Sotish uchun ko‘chmas mulkni qanday qilib to‘g‘ri suratga olish kerak

Agar siz ko‘chmas mulkingizni sotishga qaror qilgan bo‘lsangiz, uning barcha parametrlarini baholab, yozib chiqqan bo‘lsangizu, lekin sotish uchun kvartirani qanday suratga olishni bilmasangiz?

Unday bo‘lsa, ushbu maqola aynan siz uchun — bu yerda siz manfaatli bitimga erishish uchun uyning chiroyli, yuqori sifatli fotosuratlarini olish usullari haqida bilib olishingiz mumkin.

Ko‘chmas mulkni sotish yoki ijarasi bo‘yicha e’lonlarni ko‘zdan kechirganda, xaridorlar birinchi navbatda obyektning narxi va fotosuratlarda muhrlangan ko‘rinishiga qarashadi. Yuqori sifatli va chiroyli fotosuratlar yordamida uyning tashqi va ichki ko‘rinishini taqdim etish potentsial xaridor yoki ijarachi bilan kelajakdagi bitimga turtki beradigan eng muhim rag‘batlantiruvchi omil va sotuvchi uchun muvaffaqiyatli sotuv imkoniyatidir. Kvartira fotosuratlarining sifati potentsial xaridorlar sonini oshiradi — tez va foyda keltiruvchi bitim.

Ko‘chmas mulkni muvaffaqiyatli sotish uchun sifatli fotosuratlarning ahamiyati

Keling, sotish uchun kvartirani qanday suratga olishni bilib olaylik? Chiroyli va sifatli rasmsiz mahsulot yoki xizmatni reklama qilish raqobatbardosh bo‘lishi mumkin emas, chunki xaridorning bo‘lajak niyatlari — sotib olish yoki sotib olmaslik bevosita vizual effektga bog‘liqdir.

Agar siz kvartirangizni tez va foyda bilan sotmoqchi bo‘lsangiz, ko‘chmas mulkni suratga olish sifati va to‘g‘riligiga e’tibor bering. To‘g‘ri rakurs, yorug‘lik va ba’zi hollarda qo‘shimcha jihozlar e’lonni yanada jozibador qiladi va shu sababli sizning obyektingizga qiziqishishi uyg‘onganlar ko‘proq bo‘ladi.

Qanday qilib kvartirani chiroyli suratga olish mumkin:

suratga olishdan oldin xonani tayyorlash

Ko‘chmas mulkni suratga olishdan oldin obyektni tayyorlash kerak — tartibga solingan xonalar, toza sanuzel, dazmollangan pardalar, to‘g‘ri joylashtirilgan mebel — bu muvaffaqiyatli sotuv kalitidir. 

Ammo ba’zida kvartira egalari bu bosqichni e’tiborsiz qoldiradilar. E’lonlarda xunuk muhit aks ettirilgan fotosuratlar joylashtiriladi — bu yeg‘ishtirilmagan to‘shak, shkafga joylab qo‘yilmagan kiyim-kechaklar, kvartira bo‘ylab yoyilib yotgan o‘yinchoqlar va boshqalardir.

Shuni bilish muhimdirki, potentsial xaridor o‘zini ushbu kvartirada yashayotganini ko‘rish xohishidir. Bundan tashqari, sifatsiz fotosuratlar shunchaki e’lon muallifining obro‘sini tushiradi.

Ko‘chmas mulkni suratga olishdan avval maydonlarni tayyorlash:s

• umumiy tozalashni amalga oshiring — barmoq izlari ko‘rinmasligi uchun oynalarni, hammom va oshxonada suv jo‘mraklarini, eshik romlari yuvish kerak. Barchasi yartillab turib, shinamlik, yoqimlilik va tozalik hissini yetkazishi kerak;
• yengil kosmetik ta’mirni amalga oshiring. Xarajat katta bo‘lmaydi, lekin kvartira yangilanadi;
• vizual shovqinni olib tashlang — interyerda to‘plangan, bir-biriga mos kelmaydigan, bo‘sh maydonni to‘sib qo‘yuvchi va diqqatni chalg‘itadigan har xil turdagi buyumlar. Masalan: gaz plitasi tutqichidagi sochiq yoki devordagi qo‘lqoplar, ziravorlar solingan bankalar, yuvish vositalari. Hammomdagi sochni va terini parvarish qilish vositalari, tish cho‘tkalari va boshqalarni Javon va tokchalardan olib qo‘yish kerak;
• gazmol mahsulotlarini tartibga soling. Divanlardan choyshablarni olib tashlang (agar ular yaxshi holatda bo‘lmasa), pardalarni bug‘lang, krovatga toza, dazmollangan yoki yangi choyshabni soling;
• mehmonxona, yotoqxona va boshqa xonalardagi tokcha va servantlardan ko‘p narsalarni olib tashlang.

To‘g‘ri jihoz va kamera sozlamalarini tanlash

Ijaraga yoki sotish uchun kvartirani qanday suratga olishni va buning uchun to‘g‘ri jihozni tanlash:

• to‘g‘ri yorug‘lik. Kunduzgi yorug‘lik yetarli bo‘lmasa, yoritgichlarni yoqish mumkin.
• fotokamera chirog‘i (вспышка) — ranglar tabiiy bo‘lishi, xonalar sun’iy yorug‘likdan sarg‘aymasligi, va aksincha, quyosh nurlaridan oq tusga kirmasligi uchun suratga olinadi.
• fotokamera yoki smartfonga surat olishda yorug‘lik sezgirligi (ISO) rejimini sozlang.
• shtativdan foydalanish. U orqali, siz kamerani bir tekis va to‘g‘ri joylashtirishingiz mumkin — qo‘llaringiz va belingiz doimiy yuklanisdan charchamaydi.
• keng burchakli obyektivdan foydalanish. Bu obyektiv yordamida umumiy ko‘rinish uchun bir nechta surat oling. Interyerlarni suratga olish uchun 16-24 mm obyektiv ishlatiladi — kadrga juda ko‘p maydon joylanadi.
• rekvizitlardan foydalanish — bo‘sh joylarni to‘ldirish, shinamlik kiritish. Masalan: katta likopchada meva solingan bo‘sh stol — urg‘u beradi. Yana bir variant — suratga olish paytida mebelga mos kelmaydigan pardalarni almashtirish.
• ustunlar, eshiklar, shkaflar bir tomonga og‘ib ketmasligi yoki boshqa notekissliklar kuzatilmasligi uchun suratni tekis olish.
• mavjudligi effekti. Stolda chiroyli ochil qo‘yilgan kitob yoki jurnal, divanda esa pled (qalin ro‘mol). Bu effekt xaridorni o‘ziga jalb etish va unda qiziqish uyg‘otish imkoniyatini oshiradi.
• kichik detallar fotosuratlari. Masalan, kamin yoki ganchkorlik naqshini yirik planda suratga olish mumkin.
• stulga chiqib yoki shtativ/monopod yordamida yuqoridan suratga olish.
• bir xonaning turli burchaklardan olingan fotosuratlari — keyinchalik e’lon uchun tanlash uchun.
• eksteryerning qo‘shimcha fotosuratlari — binoga kirish, uyga kirish eshigi, zinapoya, hovli, balkon.
• fotoredaktor dasturlaridan meyorida foydalanish.

Uyning chiroyli suratlarini qanday olish mumkin: ko‘chmas mulk fotosuratlari uchun kompozitsiya va rakurslar

Maydonlarni suratga olgandan so‘ng, qulaylik muhitini yaratadigan tartibni ham suratga oling:

• javonning tokchasda bir xil muqovali, yaxshi holatdagi bir nechta kitoblarni qoldiring;
• yashil o‘simliklarga urg‘u bering. Xona o‘simliklari har doim uyg‘unlik va xotirjamlikni namoyish etadi — yashil rang ko‘zni quvontiradi. Kompozitsiyani muvozanatlash uchun o‘simliklarni xonaning bo‘sh burchagiga joylashtiring.

Qanday qilib kvartirani chiroyli suratga olish mumkin? Yaxshi suratni xonaning burchagidan yoki narvonga ko‘tarilgan holda olish mumkin — xonaning katta maydoni kadrga tushadi.

Agar sizda shtativ bo‘lmasa va rasmlar surkalib chiqayotgan bo‘lsa, fotokamerani  yoki smartfoningizni tekis yuzaga joylashtiring.

Mijoz mulkning holati va hajmini suratdan bilib olishi kerak.

Kvartirani qanday qilib chiroyli suratga olish mumkin — har bir xonadan ikkitadan suratga oling, oshxona va sanuzel uchun bittadan surat olish kifoya. Derazadan ko‘rinishni, uyning fasadi va uy oldi hududini, avtoturargoh va bolalar maydonchasi suratga olishingiz mumkin.

Sotish uchun kvartirani qanday suratga olish kerak — umumiy planni suratga olish zarur. Rasmlarda faqat divan yoki sevant ko‘rsatilgani bilan xonani tasavvur qilish qiyin.

Suratlarda bir xonadan ikkinchisiga o‘tishni ko‘rsating — bu ko‘chmas mulkning loyihalanishi haqida tushuncha beradi.

Bo‘sh xonalarning masshtabibni u yerga mebel, stol yoki kreslo qo‘yish orqali ko‘rsatish mumkin.

Kvartirani qanday suratga olish kerak: fotosuratlarga ishlov berish

Fotosuratlarga ishlov berishni bevosita smartfoningizda amalga oshirilishi mumkin. Deyarli barcha smartfonlarda fotoredaktor dasturlari bor, agar mavjud bo‘lmasa ularni yuklab olishingiz mumkin. Siz Adobe Lightroom va Photoshop kabi professional fotosuratlarga ishlov berish dasturlaridan foydalanishingiz mumkin. Bu ishda eng muhimi, ranglarni haddan tashqari oshirib yubormaslikdir.

Qanday qilib uyning chiroyli suratlarini olish mumkin: panoramali fotosuratlar yaratish bo‘yicha maslahatlar

Panoramali suratlar ko‘chmas mulkning interyeri va loyihlanishini namoyish etish uchun kerak.

Sotish uchun kvartirani qanday suratga olish kerak va panoramali fotosuratni yaratish:

• suratga olish uchun qulay joyni tanlash va fotokamera yoki smartfonni shtativga o'rnatish lozim;
• fotokamera yoki smartfonni ravon aylantirib suratga olishni boshlang.

Sotish uchun kvartirani qanday suratga olish kerak

Fotosuratga olishdan avval xonani tayyorlang — agar quyosh nuri ko‘p bo‘lsa, pardalarni biroz yoping, yorug‘lik yetarli bo‘lmasa, yoritishni yoqing: yoritgich, bra, kamera chirog‘idan foydalaning. Agar fotosuratlaringiz hali ham juda yorqin yoki soyalarga ega bo‘lsa, fotokamera yoki smartfoningizni sozlang. Smartfoningizda pro rejimiga o‘ting. Erta tongda suratga oling — yumshoq yorug‘lik har qanday xonani jozibador qiladi.

O‘rtahol kvartiralarning interyerini suratga olish uchun xonalarning o‘lchamlarini aniq yetkazish uchun o‘rtacha balandlikdan suratga olishingiz lozim.

Suratlarni solishtiring va eng yaxshi variantlarni tanlang.

Ko‘chmas mulkni suratga olish vositalari va resurslari

Sotish uchun kvartirani qanday qilib chiroyli suratga olish mumkin? Ko‘chmas mulkni tez va foyda bilan sotish yoki ijaraga berish uchun siz fotokamera yoki smartfon yordamida xonalarni iloji boricha to‘g‘ri suratga olishingiz hamda quyidagi qo‘shimcha uskunalardan foydalanishingiz zarur:

• shtativ yoki monopod — to‘g‘ri balandlikni ushlashni, rasmlar surkalib ketmasligi imkonini beradi;
• keng burchakli obyektiv — interyerni suratga olish uchun eng yaxshi variant;
• kamera chirog‘i — ushbu chiroqni yorug‘likni aks ettirish va butun xonani u bilan to‘ldirish uchun shiftga yoki devorga qaratish.
• rekvizitlar — vazalar, mevalar, kitoblar kompozitsiya yaratadi, bo‘sh joyni to‘ldiradi.
• to‘g‘ri yorug‘lik — suratlar yaxshi chiqishi uchun tabiiy yorug‘likni derazadan, sun’iy yorug‘likni esa uy ichidan olish mumkin.

Fotosuratda yorug‘likning ahamiyati kattadir. Quyosh nuridan foydalanish mumkin. Tabiiy yorug‘lik yumshoqlik va iliqliq beradi. Xonada shinamlik muhitini yaratadi. Suratlarni ertalabdan olish maqsadga muvofiqdir.

Sun’iy yorug‘lik. Ba’zan yoritgichlardan foydalanish har doim ham yetarli bo‘lmaydi. Ayniqsa, lampochkalar sovuq tusga ega bo‘lib, shift silliq tortiluvcha bo‘lsa — bu shiftning haddan tashqari oqarib ketadi, sovuq yorug‘likning aksi esa butun xonani to‘ldiradi.

Xulosa: sotish uchun kvartirani qanday suratga olish kerak

Ko‘chmas mulkni muvaffaqiyatli sotish uchun e’lonni joylashtirishning barcha jihatlarini hisobga olish lozim, lekin sotish uchun kvartirani qanday suratga olish masalasi katta ahamiyatga kasb etadi. Inson tabiatan yangi, toza va go‘zal narsalarga intilib, o‘z maqsadiga erishishadi. E’lonlardagi kvartiralarning chiroyli va ma’lumotlarga boy fotosuratlari xaridorlarda shinamlik va qulaylik hissini yaratadi. Binobarin, sotuvchiga juda ko‘p qo‘ng‘iroqlar tushadi, shuningdek, ko‘chmas mulkni ko‘zdan kechirishni xohlaydiganlar ham ko‘payadi — bu ko‘chmas mulkni foyda bilan sotish imkoniyatini oshiradi.

Sotish uchun kvartirani qanday qilib chiroyli suratga olish mumkin? Ishlar roʻyxati:

• turar joy maydonlarini tayyorlang — umumiy tozalash yoki engil kosmetik ta’mir — bu potentsial mijozlarni jalb qiladi va uy-joy narxini oshiradi;
• shaxsiy buyumlarni: fotosuratlar, kiyim-kechak, kosmetika vositalarini tokcha va javonlardan olib tashlang;
•  talab etilsa, mebelar joylashuvini o‘zgartiring;
• fotokamera yoki smartfondan, yaxshisi kamerafondan foydalaning;
• qo‘shimcha jihozlardan foydalangan holda har bir xonani turli burchaklardan bir nechta suratini oling: chiroq, shtativ/monopod, keng burchakli obyektiv;
• panoramali suratga olish;
• olingan tasvirlarni maxsus fotoredaktor dasturlarida biroz retush qiling;
• tayyor suratlarni saytga yuklang.

Agar sizning ko‘chmas mulkingiz katta maydonga ega bo‘lsa, masalan, hashamatli uy, kottej bo‘lsa va siz suratlar yuqori sifatli bo‘lishini istab, sotish uchun kvartirani qanday qilib chiroyli suratga olish haqida o‘ylayotgan bo‘lsangiz, professional fotosuratchilarga murojaat qiling.

Qanday qilib tezda kvartirani sotish mumkin — yo‘riqnoma

Qanday qilib ko‘chmas mulkni to‘g‘ri ijaraga olish yoki berish mumkin