Kvartirani ta’mirlash uchun quruvchilarni qanday topish mumkin va ishni boshlashdan oldin nimalarni aniqlashtirish kerak

Qurilish-ta’mirlash guruhi va uni tanlash — bu har qanday ta’mirlashni rejalashtirishdagi muhim qadamdir. Ish bajaruvchilarni tanlashda mas’uliyat bilan yondashish ko‘plab muammolarni oldini olishga, byudjetingizdan foydalanish samaradorligini oshirishga va bajarilgan ishlarning sifatini kafolatlashga yordam beradi. Ta’mirni boshlashdan avval siz potentsial pudratchilarning tajribasi, malakasi va obro‘sini diqqatlik bilan tekshirishingiz, shuningdek ularning litsenziyalari va sertifikatlarini tekshirishingiz zaur. Bu jarayon davomida nafaqat xotirjamlikni, balki ta’mir natijasidan uzoq muddatga mamnun bo‘lishni ham ta’minlaydi.

Nima uchun quruvchilarni sinchiklab tanlash muhim?

Ta’mirlash ishlarini bajarish uchun quruvchilarni topish va tanlash hayot sifatiga, ko‘chmas mulk qiymatiga va hatto pudratchilar bilan munosabatlaringizning yuridik tozaligiga ham sezilarli ta’sir ko‘rsatadigan hal qiluvchi omil hisoblnadi.

Ko‘chmas mulk qiymatini oshishida yuqori sifatli ta’mirlashning ahamiyati

Ko‘chmas mulk qiymatiga ta’sir qiluvchi ta’mirning muayyan jihatlari:

• Pardoz va materiallarning sifati: Yuqori sifatli pardozlash materiallaridan foydalanish, masalan, pol yoki oshxona stoli uchun tabiiy tosh, obyekt qiymatini 5-10% ga oshirishi mumkin. Bu qimmat santexnika va elektr jihozlarini ishlatisga ham tegishli;
• Elektr simlari va suv quvurlarini yangilash, “aqlli uy” tizimini o‘rnatish, uning funksionalligi va xavfsizligini oshirish orqali uy narxiga 15% gacha qo‘shishi mumkin;
• Qayta loyihalanish, misol uchun, oshxona va mehmonxonani birlashtirish orqali ochiq maydonni yaratish, kvartiraning qiymatining 7-12% ga oshirishi mumkin, chunki zamon bilan hamnafas xaridorlar bo‘sh joy va yorug‘likni qadrlashadi;
• Yuqori sifatli izolyatsiya nafaqat isitish va sovutish xarajatlarini kamaytiradi, balki yashash qulayligini oshirib, xonalarni tinchroq va shinamroq qiladi, bu ham ularning bozor narxini oshiradi;
• Agar uy-oldi hududiga ega bo‘lgan o‘z uyingiz yoki 1-qavatdagi kvartiraga ega bo‘lsangiz, uy-oldi hududini obobdonlashtirish, shu jumladan bog‘ni zonalashtirish, dekorativ elementlar va sug‘orish tizimini o‘rnatish, kochmas mulkning qiymatini 10-20% ga oshirishi mumkin, ayniqsa agar uy xususiy sektorda joylashgan bo‘lsa.

Malakasiz quruvchilar bilan bog‘liq muammolar

Sifatsiz ta’mir tufayli uy egalari duch kelishi mumkin bo‘lgan muammolar:

• Noto‘g‘ri yotqizilgan, bir oydan keyin ko‘chishni boshlaydigan plitkalar yoki noto‘g‘ri suvoq ishlari tufayli yoriqlar paydo bo‘ladigan shiftlar;
• Agar vanna yoki dush kabinkasi o‘rnatishda gidroizolyatsiya buzilgan bo‘lsa, bu suv oqishi va natijada mog‘or paydo bo‘lishiga olib kelishi mumkin;
• Xavfsizlik standartlariga javob bermaydigan sifatsiz elektr simlari qisqa tutashuvlarga va hatto yong‘inga olib kelishi mumkin;
• Derazalarni kerakli darajada germetizatsiya qilmasdan o‘rnatish yelvizak, isitish xarajatlarining oshishiga va xonalarning qulayligining yomonlashishiga olib kelishi mumkin;
• Noprofessional loyihalanish va loyihani boshqarish sizning shaxsiy va moliyaviy rejalaringizni buzishi, sezilarli darajadagi kechikishlarga olib kelishi mumkin.

Quruvchilarni sinchkovlik bilan tanlash va ta’mirlash jarayonini nazorat qilish nafaqat dastlabki loyihaning sifatini yaxshilaydi, balki sizni qo‘shimcha xarajatlar va yuzaga kelishi mumkin bo‘lgan huquqiy muammolardan himoya qiladi.

Quruvchilarni tanlash bosqichlari

Quruvchilarni tanlashda, kelgusidagi qurilish ishlarining sifati va ishonchliligini ta’minlash uchun diqqatlik bilan tekshirish muhimdir. Quyida ushbu jarayonning asosiy bosqichlari.

Portfolio va sharhlarni o‘rganish

Quruvchilarni topish — bu hali hammasi emas. Ularning portfolio va sharhlarini diqqat bilan o‘rganish juda muhimdir. Bu sizga ularning sifatli ish bajarishi va obro‘si haqida tasavvur paydo bo‘lishiga yordam beradi. Sizning yondashuvingiz tuzilimasi shunday ko‘rinishga ega bo‘lishi mumkin:

Portfolio:

• Loyiha turlari: Koʻlami va uslubi boʻyicha siznikiga oʻxshash loyihalar namunalarini soʻrang. Bu ta’mirdan oldin va keyin fotosuratlar, xonalar rejalari yoki bajarilgan ishlarning hujjatlari bo‘lishi mumkin.
• Xizmatlar spektri: qurilish guruhini topish va u xizmatlarning to‘liq spektrini, jumladan, loyihalash, materiallarni tanlash va ta’mirlashdan keyingi texnik xizmat ko‘rsatishni ta’minlaydimi yoki yo‘qligini bilib olish.
• Ishning tafsilotlari: tafsilotlarga va pardoz sifatiga e’tibor bering. Oldingi obyektlarda qanday materiallar ishlatilgan? Ular qanchalik puxta bajarilgan? Taqdim etilgan ishlarni tekshirishda e’tiborga olish kerak bo‘lgan bir nechta konkret jihatlar:
  • Plitka yotqizish:
    • Plitkalar orasidagi tutasguv joylari qanchalik to‘g‘ri kelishini tekshiring. Notekis yoki juda keng choklar ishning sifatsizligini ko‘rsatishi mumkin.
    • Plitka yuzasining umumiy tekisligiga e’tibor bering. Plitkalar qat’iy ravishda bitta sathda, farqlarsiz va “to‘lqinlarsiz” yotqizilgan bo‘lishi kerak.
  • Pollarni yotqizish:
    • Laminat, parket yoki boshqa qoplamalar qanchalik tekis yotqizilganligini tekshiring. Noto‘g‘ri o‘rnatish pollarning g‘ichirlashiga va tez eskirishiga olib kelishi mumkin.
    • Polnning devorlarga va boshqa konstruktsiya elementlariga qanchalik to‘g‘ri tutashuvini baholang. Plintuslar to‘g‘ri, bo‘shliqlarsiz va tirkishlarsiz o‘rnatilgan bo‘lishi lozim.
  • Elektrmontaj ishlari:
    • Rozetkalar va viklyuchatellar qat’iy ravishda vertikal va gorizontal, og‘ib ketmagan holada o‘rnatilishi shart.
    • Xonadagi yoritish moslamalarining taqsimlanishiga e’tibor bering. Noto‘g‘ri yoritish yomon rejalashtirishdan darak berishi mumkin.
  • Paroz ishlari:
    • Devorlar suvoqdagi yoriqlar, to‘lqinlar yoki pufakchalar kabi ko‘rinishdagi nuqsonlarsiz mukammal silliq bo‘lishi kerak.
    • Burchaklar va tutash joylar ravon va tekis, bo‘shliqlar va og‘ib ketishlarsiz bo‘lishi lozim.
  • Santexnika ishlari:
    • Barcha elementlar tegishli darajada o‘rnatilishi kerak, mahkamlash ishonchli bo‘lishi, foydalanish paytida suv sizib chiqmasligi kerak.

Sharhlar:

• Sharhlar manbalari:
  • Ijtimoiy tarmoqlar: masalan, shahringizdagi ta’mirlash va qurilish ishlariga bo‘yicha Telegram guruhlari.
  • Sharhlar saytlari: foydalanuvchilar turli pudratchilar haqida o‘z tajribalari bilan bo‘lishadigan onlayn platformalar.
  • Shaxsiy tavsiyalar: Yaqinda orada ta’mirlash ishlarini olib borgan do‘stlaringiz yoki tanishlaringizdan ma’lum quruvchilar bilan tajribalari haqida so‘rang.
• Sharhlarni baholash uchun savollar:
  • Quruvchilar ta’mirlash ishlarini kelishilgan boshlanish va tugatish muddatlariga rioya qildilarmi?
  • Ular dastlab kelishilgan byudjetga amal qildimi yoki kutilmagan qo‘shimcha to‘lovlar paydo bo‘ldimi?
  • Mijozlar ko‘rsatilgan xizmatlar sifatidan qoniqish hosil qilganmi?
  • Jarayon davomida qanday qiyinchiliklar yuzaga keldi va pudratchi ularni qanday hal qilgan?

Ushbu yondashuv sizga potentsial quruvchilarning malakasi va ishonchliligi haqida to‘liq tasavvurga ega bo‘lishga yordam beradi, bu esa asosli qaror qabul qilish uchun negiz bo‘ladi.

Takliflar va narxlarni solishtirish

Siz bir nechta qurilish guruhlarini topishingiz va loyihangiz tafsilotlarini ko‘rsatgan holda ular tomonidan takliflarni so‘rashingiz kerak bo‘ladi. Bu sizga narxlar va shartlarni solishtirish imkoniyatini beradi. Quruvchilar guruhini topish va ularning har biri nimani taklif qilayotganini tushunishingiz kerak. Ba’zilar dizayn yoki materiallar bilan ta’minlash kabi qo‘shimcha xizmatlarni o‘z ichiga olishi mumkin, bu umumiy xarajatlarga ta’sir qilishi mumkin.

Har doim ham eng arzon taklifni tanlamaslik lozimligini esda tutish kerak. Portfolio, sharhlar va taklifning to‘liqligi asosida narx-sifat nisbatini baholang.

Litsenziyalar va sertifikatlarni tekshirish

Qurilish kompaniyasi O‘zbekistonning tegishli organlari tomonidan berilgan litsenziyaga ega ekanligiga ishonch hosil qiling. Bu ularning qurilish va ta’mirlash ishlarini bajarish huquqini tasdiqlaydi. Ishchilarning malaka hujjatlarini, shuningdek, materiallar va jihozlar uchun sertifikatlarni o‘z ichiga olishi mumkin bo‘lgan sertifikatlarni tekshiring. Bu materiallar sifati milliy va xalqaro xavfsizlik standartlariga javob berishini ta’minlaydi.

Ish boshlanishidan oldin muhokama qilinadigan muhim savollar

Qurilish yoki ta’mirlash ishlarini boshlashdan oldin, qurilish-ta’mirlash guruhingiz bilan asosiy jihatlarni muhokama qilish va aniqlashtirish muhimdir. Bu tushunmovchiliklarga duch kelmaslikda yordam beradi va ishning natijalari siz xohlaganingizdek bo‘lishini ta’minlaydi. Ishni boshlashdan oldin so‘raladigan uchta asosiy savolni ko‘rib chiqaylik.

Ishni yakunlash muddati

Pudratchidan bosqichlarni va ularni yakunlashning taxminiy muddatlarini ko‘rsatadigan batafsil ish rejasini taqdim etishini so‘rang. Bu sizga ish jatrayonini kuzatish va jadvalga rioya qilishni nazorat qilish imkoniyatini beradi. Materiallarni yetkazib berishdagi kechikishlar yoki yomon ob-havo sharoiti kabi kechikishlar uchun qancha vaqt ajratilganligini tekshiring. Belgilangan muddatlarga rioya qilmaslik uchun jazo choralarini joriy etishni muhokama qiling. Bu pudratchi uchun kelishilgan muddatlarni bajarishda qo‘shimcha qiziqtiruvchi omil bo‘lishi mumkin.

Sifatli materiallardan foydalanish

Agar siz ushbu sohada mutaxassis bo‘lmasangiz, pudratchining tavsiyalarini tinglash to‘g‘ri bo‘lishi mumkin, ammo sertifikatlangan va sinovdan o‘tgan materiallardan foydalanishni talab qilish zarur. Materiallar sifatini tekshirish: Materiallar yetkazib beruvchilari va muvofiqlik sertifikatlari haqida ma’lumot so‘rang. Taklif etilayotgan materiallarning sifatini baholash uchun shou-rum yoki omborlarga tashrif buyurish ham to‘g‘ri yechim bo‘ladi. Ishni boshlashdan oldin, ishlatiladigan barcha materiallar (plitkalardan to bo‘yoqgacha) oldindan kelishilganligi va ularni o‘zingiz shaxsan tasdiqlaganizga ishonch hosil qiling.

Ishlar bo‘yicha sug‘urta va kafolatlar

• Qurilish vaqtida yuzaga kelishi mumkin bo‘lgan zarar yoki baxtsiz hodisalardan himoya qilishda pudratchi tomonidan qanday sug‘urta turlarini taklif qilishini bilib oling. Bu mas’uliyatni sug‘urtalash polisi yoki qurilish vaqtida obyektni sug‘urtalash bo‘lishi mumkin;
• Pudratchi har xil turdagi ishlar uchun qanday kafolatlar berishini aniqlang. Masalan, qurilish ishlari uchun kafolat 3-5 yil, tom yopish ishlari uchun —10 yilgacha bo‘lishi mumkin;
• Barcha kafolatlar hujjatlashtirilgan va shartnomaga kiritilganligiga ishonch hosil qiling. Bu ishlar tugallangandan so‘ng yuzaga kelishi mumkin bo‘lgan nuqsonlardan sizni huquqiy himoya bilan ta’minlaydi.

Qanday qilib ko‘p uchraydigan muammolarga duch kelmaslik mumkin

Qurilish va ta’mirlash ishlarini olib borishda barcha jarayonlar muammosiz va noxush, kutilmagan hodisalarsiz o‘tishini ta’minlash lozim. Ko‘p uchraydigan muammolarni oldini olish uchun kvartirani ta’mirlash uchun quruvchilarni qanday topish mumkin? Shartnoma loyihasini tuzish, ishlarning borishini nazorat qilish va muntazam monitoring qilish masalalariga e’tibor qaratish lozim. Bu jihatlarni qanday qilib samarali tashkil etish qutida ko‘rsatilgan.

Shartnomaning aniq ifoda qilish

• Shartnoma taqdim etiladigan barcha ishlar, materiallar va xizmatlarning to‘liq ro‘yxatini o‘z ichiga olishi shart. Texnik xususiyatlar va sifat standartlarini qo‘shing.
• Ishni bajarish muddatlari va bosqichlari: ishni boshlash va tugatish bo‘yicha aniq muddatlarni, shuningdek, aniq sanalar bilan oraliq bosqichlarni ko‘rsating.
• Xarajatlarni, to‘lov shartlarini, shu jumladan avanslar va keyingi to‘lovlarni hamda ishlarni kechiktirish va sifatsiz bajarganlik uchun jarimalarni belgilang.
• Bajarilgan ish va foydalanilgan materiallar uchun kafolat shartlarini kiriting.
• Qanday hollarda va qanday qilib shartnomani jiddiy moliyaviy yo‘qotishlarsiz bekor qilish mumkinligini yozib qo‘ying.

Ish jarayonini nazorat qilish

• Obyektga muntazam tashrif buyurish: Ish sifati va tezligini shaxsan baholash uchun qurilish maydonchasiga muntazam tashrif buyurishni rejalashtiring.
• Materiallardan foydalanishni monitoring qilish: materiallardan foydalanishda ularni shartnomada ko‘rsatilganidek bo‘lishini nazorat qiling.
• Qurilish bo‘yicha yetarli bilimga ega boʻlmasangiz, ish sifatini nazorat qilish uchun mustaqil ekspert yoki texnik nazoratchini yollashni oʻylab koʻring.
• Rejaga kiritiladagina har qanday o‘zgarishlar yozib olinishi va siz bilan yozma ravishda kelishilgan bo‘lishi shart.

Tavsiyalarga rioya qilish xavflarni minimallashtiradi va qurilish yoki ta’mirlash jarayonida ko‘p uchraydigan muammolarning oldini oladi.

Qurilish-ta’mirlash brgadasini tanlash bo‘yicha asosiy maslahatlar

Quruvchilarni sinchkollik bilan tanlashdagi yondashuvini va qurilish jarayonlarini nazorat qilish muhimligini ortiqcha baholab bo‘lmaydi. To‘g‘ri tuzilgan shartnoma, ishlarning borishini muntazam nazorat va monitoring qilish muddatlarga va sifatga rioya qilishni ta’minlaydi, shuningdek, qurilishda ko‘p uchraydigan muammolarning oldini oladi. Ushbu ko‘rsatmalarga rioya qilish loyihangizni xavsiz amalga oshirishda yordam beradi hamda ta’mirlash yoki qurilish natijalaridan qanoat hosil qilishga kafolat beradi. 

Yangi binoda kvartirani qabul qilish

Ijaraga beriladigan kvartirani ta’mirlash: asosiy qoidalar