Yangi binoda kvartirani qabul qilish

1421
Yangi binoda kvartirani qabul qilish

Quruvchi tashkilotdan kvartira sotib olayotganda nimaga e’tibor qaratish lozim degan savol yangi binodagi kvartiraning har bir sohibini o‘ylantiradi. Quruvchi tashkilotdan kvartirani qabul qilish rasmiyatchilikka kirmaydi: faqatgina hujjatlarni imzolash yetarli emas. Ushbu yo‘riqnomada biz yangi binolarni qabul qilishning kerakli qoidalari haqida so‘zlab beramiz va quruvchi tashkilotdan kvartirani qabul qilishda nimani hisobga olish kerakligini tushunib olamiz.

Quruvchi tashkilotdan kvartira topshirilishi tartibi

Bu tayyor kvartiralarni quruvchi tashkilotlardan yangi uy egalariga topshrishdagi majburiy tartibdir. Sizni kvartirani ko‘rikiga taklif qilishadi va jarayon qabul qilish-topshirish dalolatnomasini imzolash bilan yakunlanadi.

Hujjatlar

Qog‘ozlardan boshlaymiz. Yangi binoda kvartira qabul qilinayotganda qabul qilish-topshirish dalolatnomasidan tashqari, kadastr pasporti va texpasportni, shuningdek, eshik, deraza va hisoblagichlarning kafolat hujjatlarini olishingiz kerak.

Yangi binoni qabul qilishda o‘zingiz bilan nima olishingiz kerak?

Bu eng kam talablab. Tajribali mutaxassislar maxsus qurilmalardan foydalanadilar. To‘liq xavfsizlikda, asboblar va bilimlar bilan qurollangan holda, biz quruvchi tashkilotdan kvartirani qabul qilishga yo‘l olamiz. Qurilish sifatini o‘rganishning eng samarali usuli — bu kunduz paytida hisoblanadi. O‘zingizni kvartirangizda yashashdan oldin, umumiy foydalanish hududlarini tekshirishingiz kerak:

Asosiy kirish joyi — podyezd

Sinchkovlik bilan kirish joyini diqqat bilan ko‘rikda o‘tkazing. Plitkalardagi yoriqlar, maydalangan plitkalar, shikastlangan zinapoyalar — bunday holatlarni yozib olinishi va quruvchi tashkilotga e’lon qilinishi lozim.

Lift

Taqdim etilgan talablar shartnomada ko‘rsatilishi kerak. Liftning haqiqiy markasi hujjatlarda ko‘rsatilgan bilan mos kelishini tekshiring. Kichik nuqsonlar haqida tashvishlanmang. Liftni ta’mirlash odatda uchinchi tomon kompaniyalari tomonidan eng qisqa muddat ichida amalga oshiriladi.

Elektr shiti

Avtomat sifatli bo‘lishi kerak. Uning brendi nomiga e’tibor qaratish lozim (nomlanishi tumblerda ko‘rsatilgan). Elektr shitida ortiqcha o‘rashlar yo‘qligiga ishonch hosil qilish kerak. O‘chirgichlar ma’lum bir liniya uchun javobgar bo‘lgan sxemaga ega bo‘lishi maqsadga muvofiqdir.

Gaz uskunalari

Yangi binolarda kvartiralarni qabul qilishda gaz sirqib chiqishi bildiruvchi moslama mavjudligini tekshiring. Umumiy foydalanish maydonlarini tekshirgandan so‘ng, biz to‘g‘ridan-to‘g‘ri kvartiralarni qabul qilishga o‘tamiz. Hech narsani o‘tkazib yubormaslik uchun kvartirani bosqichma-bosqich tekshirish shart.

Quruvchi tashkilotdan kvartirani qabul qilishda nimalarga e’tibor berish kerak

Kvartiraning jihozlanishi qurilish shartnomasi shartlariga qarab farq qilishi mumkin. Yangi uylarda pardozlashning uchta turi mavjud.

Uy-joyni qabul qilish jihozlanishga muvofiq amalga oshirilishi kerak, shuningdek, bajarilgan pardoz sifati ham tekshirilishi lozim. Quruvchi tashkilot shartnomada ko‘rsatilgan barcha shartlarni bajarishi kerak.

Kirish eshigi

Eshik kuzatuv teshigi shikastlanmaganligini va eshik osongina yopilishini tekshiring. Qulflar bo‘shashmaganmi, tutqich tekismi va mustahkammi? Yelim qistirmalari butmi? Kirish qo‘ng‘irog‘i to‘g‘ri ishlayotganligini tekshiring.

Maydon

Barcha xonalarni (xonalar, hammom va hojatxona, koridor, balkon / lodjiya maydoni) o‘lchang va ularni kvartirani quruvchi tashkilotdan qabul qilish-topshirish paytida shartnomada ko‘rsatilgan maydon bilan solishtiring.

Pardoz

Pardoz (pol qoplamasi, hammomdagi plitkalar yoki xonalardagi devor qog‘ozi) shartnomada ko‘rsatilgan bilan mos kelayotganin tekshiring.

Devor va pollar

Qurilish shaytonidan foydalanib, sirtning tekisligini tekshiramiz. Yassi yuzaga qo‘shimcha ravishda, pol va devorlarda yoriqlar va namlik izlari mavjudligini ham tekshiring. Yakuniy paroz oldi jarayonida: pol suvog‘i, devor va shiftlarning tekisligini, deraza va eshik o‘rni o‘rnatish sifati, elektr simlarini tekshiris lozim. Ushbu ishlarni lampochka va sinov qurilmasi yordamida tekshirish kerak. Yakuniy pardoz ishlarida: pol qoplamasining, devor qog‘ozi sifatini, eshik va derazalarga shikast yetmaganligini, eshik qulflari va tutqichlarining ravon ishlashini tekshirish lozim.

Santexnika uskunalari, kranlar va aksessuarlar.

Dog‘lar, siniqlar yoki oqmalar yo‘qlogi, ulanmalarning germetikligi. Vannaning yerga ulanganligini — zazemleniye borligini tekshiring. Buning uchun uning ostida vanna korpusiga mustahkamlangan maxsus sim mavjud. Barcha kranlar ishlayotganligini tekshiring.

Derazalar

Uy egalari duch keladigan eng keng tarqalgan muammo — bu deraza romlari va shisha paketlardagi tirnalishlardir. Shuning uchun yangi binondan sotib olishdan oldingi tekshirishda, ularni diqqat bilan ko‘zdan kechiring. Mexanizmlar muammosiz ishlashi, tiqilib qolmasligi, tabaqalar romga tegishi, tabaqalardagi barcha qistirma elementlar but bo‘lishi kerak. Tashqari qismida suv oqishi moslamasi bor. Montaj ko‘pigi uzluksiz to‘ldirilgan. Germetiklangan birikma bilan ishlov berilgan yoki bug‘ izolyatsiyasi plyonkasi bilan qoplangan bo‘lishi a’lo bo‘ladi. Derazalardan yelvizak kelayotganligini tekshiring — buning uchun tutashgan joylar bo‘ylab yonib turgan shamni o‘tkazing. Yoki tabaqa va rom orasiga qog‘oz varag‘ini joylang; agar u osongina tortib olinsa, ushbu joylardan ko‘chadan kelayotgan havo oqimi sirqib chiqishi mumkin.

Ventilyatsiya

Eshikni yoping va tortishni tekshirish uchun oynani oching. Olov ventilyatsiya shaxtasiga qaratilgan bo‘lishi lozim. Yozgi mavsumda baland qavatlarda ventilatsiya tizimi ishlamasligi mumkin, bu normal holat. Bunday vaziyatda quruvchi tashkilotlar kvartiralarda qo‘shimcha shamollatish qo‘rilarini o‘rnatadilar.

Elektr tizimi

Tekshirish uchun maxsus asboblar kerak bo‘ladi. Ammo agar siz shitdagi elektrni yoqishni so‘rasangiz, shit korpusidagi “Test” tugmasini bosing. Agar avtomat o‘chib qolsa, elektr kuchlanishi mavjud bo‘ladi. Agar sizda sinov qurilmalari bo‘lsa, barcha rozetkalarni va yoritish jihozlariga chiqishlarni tekshirishingiz va yerga ulanish mavjudligiga ishonch hosil qilishingiz mumkin.

Suv, kanalizatsiya va suv chiqarish

Kranda suv borligiga ishonch hosil qiling. Hisoblagichdagi ko‘rsatkichlar hajmini belgilang, seriya raqamini uning pasporti bilan tekshiring. Suv quvurlarida o‘chirish kranlari, filtr va reduksion klapan bo‘lishi kerak. Quvurlarni ulash joylarida sizib chiqishlar bo‘lmasligi lozim. Kanalizatsiya chiqishlarida qopqoqlar mavjud. Deyarli barchasi ko‘zda kechirildi. Endi, faqatgina barcha kamchiliklarni qayd etish va ularni ko‘zdan kechirish dalolatnomasida ko‘rsatish, undan so‘ng  ko‘zdan kechirish dalolatnomasi va qabul qilish-topshirish dalolatnomasini imzolash qoladi. Dalolatnomani imzolash uchun menejerning ishonchnomasini tekshirishni unutmang. Hujjatda xodim buni quruvchi tashkilot yoki yuridik shaxs nomidan amalga oshirishi mumkinligini ko‘rsatishi kerak. Shuningdek, agar quruvchi tashkilot belgilangan muddatni buzgan holda obyektni foydalanishga topshirgan bo‘lsa va siz jarima olishni rejalashtirmoqchi bo‘lsangiz, quruvchi tashkilot dalolatnomaga obyektni topshirish muddati haqida shikoyatingiz yo‘q degan iborani kiritmaganligini tekshiring.

Quruvchi tashkilotdan kvartirani qabul qilish dalolatnomasini imzolashim kerakmi yoki yo‘qmi?

Agar siz kamchilik topgan bo‘lsangiz, muammoni hal qilishning ikki yo‘li mavjud:

Savollar qoldimi?

Men kvartiradagi kamchilikga e’tibor bermadim va uni qabul qildim. Hech narsani tuzatib bo‘lmaydimi?

Tuzatish mumkin. Uyga kafolatli xizmat ko‘rsatish davrida siz kamchiliklarni bartaraf etishni talab qilib, shikoyat yuborishingiz mumkin. Agar quruvchi tashkilot va boshqaruvchi kompaniya insofli bo‘lsa, unda barcha ishlar tez va siftli amalga oshiriladi. Agar quruvchi tashkilot o‘z tashvishlarini ulushchiga o‘tkazmoqchi bo‘lsa yoki uning uyi juda byudjetli bo‘lsa, bunday holda kurashishga tayyor bo‘ling. Qat’iyatli bo‘ling.

Agar kvartira nikoh paytida sotib olingan bo‘lsa va turmush o‘rtog‘im kvartirani quruvchi tashkilotdan qabul qilishda ishtirok eta olmasa, buni qanday qilib yolg‘iz bajarishim mumkin?

Bunday hujjatlarni imzolash uchun xotiningiz yoki eringizdan ishonchnomangiz bo‘lsa, buni amalga oshirishingiz mumkin.

Men barcha hujjatlarni imzoladim va kvartira kalitlarini oldim. Keyingi harakatlarim qanday?

Keyingi qadam — bu yangi kvartiraga egalik qilish huquqini rasmiylashtirishdir. Ushbu tartibni bajarishda yangi yo‘riqnomada yordam beramiz.