Kvartira sotib olmoqchiman. Nimadan boshlash kerak?

Kvartirani noldan qanday qilib sotib olish mumkin? Siz uy sotib olishni haqida o‘ylayapsiz, lekin nimadan boshlashni bilmayapsizmi? Bu holda, siz bilan kvartira sotib olish jarayonini boshlash va to‘g‘ri tanlov qilishda yordam beradigan bir nechta maslahatlar bilab bo‘lishmoqchimiz.

Yangi bino, ikkilamchi yoki ipotekaga kvartira sotib olishni rejalashtirayotganda, ketma-ketlikni aniq belgilab olamiz:

ehtiyojlarimizni aniqlaymiz;
moliyaviy rejani tuzamiz;
ko‘chmas mulkni qidiramiz va uni ko‘rikdan o‘tkazamiz;
huquqiy va moliyaviy jihatlarni tekshirib chiqamiz;
xavfsiz bitimni rasmiylashtiramiz va yangi uyga ko‘chib o‘tamiz.

Avval, kelajakdagi kvartiraga bo‘lgan ehtiyoj va istaklarni aniqlab, quyidagi omillarni ko‘rib chiqamiz:

binoning turi, qavati;
loyihalanishi va kvadrat metrlari;
xonalar soni;
balkonning mavjudligi;
avtoturargoh;
obyektning joylashuvi;
rivojlangan infratuzilma va qulay transport yechimi.

Kvartirani qanday qilib to‘g‘ri sotib olish bo‘yicha o‘z imkoniyatlaringiz va manbalaringizni baholang — byudjetni aniqlaymiz. Ipotekani rasmiylashtirishga tayyorligingizni bilish uchun kredit tarixingizni tekshiring.

Siz Realt24.uz orqali uy-joyni mustaqil ravishda qidirishingiz yoki rieltorlik agentligiga murojaat qilishingiz mumkin. Agar siz mos uy-joy variantini topsangiz, uy egasi yoki quruvchi tashkilot bilan bog‘laning va mulkni ko‘zdan kechirish uchun kunni belgilang. Obyekt haqida to‘liq ma’lumot olish uchun mulk egasiga iloji boricha ko‘proq savollar bering.

Bitimni amalga oshirishdan oldin, agar siz kvartirani o‘zingiz mustaqil ravishda tanlayotgan bo‘lsangiz, huquqiy jihatlariga katta e’tibor bering, yaxshisi yuristalarni jalb qiling. Mutaxassislar bitimning qonuniy sofligini tekshirib, sizga maslahat beradilar. Moliyaviy maslahatchi esa qanday qilib kvartirani ipoteka orqali xarid qilishni tushuntirib beradi.

Yakuniy bosqich — xavfsiz bitim tuzamiz va birinchi navbatda mebel va jihozlarni tashish xizmatlarini tashkil qilib yangi turar joyga ko‘chib o‘tamiz.

Kvartira sotib olishga qancha pul sarflashga tayyorsiz?

Kvartiraning qiymati birinchi navbatda binoning yili va turi, xonalar soni va ularning holatiga, obyektning joylashuviga bog‘liqdir. Ikkilamchi bozordagi ko‘chmas mulk yangi binoga qaraganda qimmatroq bo‘ladi, sababi ikkinchisi ta’mirsiz sotiladi va hali rivojlanmagan infratuzilmaga ega hududda — shahar chekkasida joylashgan bo‘lishi mumkin.

Kvartirani qanday qilib to‘g‘ri sotib olish mumkin — ko‘chmas mulk narxlarini o‘rganib chiqamiz. Realt24.uz ma’lumotlar bazasidan foydalangan holda, siz tezlik bilan narxlarni topib, aniqlashtirib olasiz. Qulay portal uy-joy o‘lchami, xonalar soni, joylashuvi va narxlar diapazonini tanlash imkonini beradi.

Mavsumiylikka ham e’tibor beramiz — ikkilamchi kvartiralarning narxlari mavsumga qarab o‘zgaradi. Qish va yozda talab kam, bahor va kuzda esa talab ko‘tariladi.

Xo‘sh, qanday qilib kvartirani sotib olish kerak va uni xarid qilishda qancha pul sarflashga tayyorsiz? Moliyaviy reja tuzing. Ikkilamchi yoki yangi bino sotib olish foydalimi yoki yo‘qmi — hisoblab chiqing. Juda arzon kvartiralarni ajratib oling, ularda yuridik muammolar bo‘lishi mumkin. Shoshilinch sotuvlar bo‘yicha e’lonlarni qidiring — narxni ancha pasaytirishingiz mumkin, biroq egalik hujjatlarini sinchkovlik bilan tekshirib chiging.

Tez ko‘chib o‘tish uchun ikkilamchidagi kvartirani qanday sotib olishadi. Ta’mirlash haqida o‘ylamasdan o‘z ishingiz bilan mashg‘ul bo‘lishingiz mumkin. Yangi bino sotib olayotganda, ayniqsa shahar chetidan, siz xonalarni ta’mirlashni amalga oshirishingiz lozim bo‘ladi, pul sarflanadi va sizni asosiy ishingizdan chalg‘itadi. Ammo yangi binolardagi kvartiralarning uzoq xizmat qilish muddati va xaridorning didiga ko‘ra yangi ta’mir kelajakda pulni tejashga imkonini beradi. Ikkilamchi bozor ko‘chmas mulki eski zaxiradagi binolardan iborat bo‘lib, bino va kommunikatsiyalar eskirgan bo‘lishi mumkin. Har xil turdagi tez-tez ta’mir ishlari kvartirada yashovchilaridan xarajatlarni talab etadi.

Kvartira sotib olmoqchiman: kvartira sotib olayotganda qanday xavflar mavjud?

Hech qanday xavf-xatarsiz kvartirani noldan qanday qilib sotib olish mumkin? Agar sizga obyekt yoqqan bo‘lsa, uning yuridik sofligini, ro‘yxatdan o‘tganlar soni, kvartira arestda emasligini, turmush o‘rtog‘ining roziligi, kommunal xizmatlar bo‘yicha qarzlar mavjud emasligini tekshirib ko‘ring.

Kvartirani qanday qilib to‘g‘ri sotib olish mumkin? Kvartirani ko‘zdan kechirishda siz mulk egasining pasportini diqqat bilan tekshirishingiz va uni ko‘chmas mulk hujjatlaridagi ma’lumotlar bilan taqqoslashingiz zarur.

Qaysi birini tanlash kerak: birlamchi yoki ikkilamchi bozor?

Birlamchi bozor uy-joyi ko‘plab afzalliklarga ega:

sof yuridik tarix;
yangi kommunikatsiyalar;
zamonaviy loyihalanish;
hamyonbop narx.

Eng asosiysi, to‘g‘ri va ishonchli quruvchi tashkilotni tanlash.

Yaxshi obro‘ga ega bo‘lgan quruvchi tashkilot bilan siz hujjatlar va egalik bilan bog‘liq muammolarga duch kelmaysiz.

Ammo yangi binolarning kamchiliklari ham bor:

yangi binolardagi turar-joy maydonalri ko‘pincha pardozsiz bo‘ladi. Ta’mirlashga sarmoya kiritishingiz lozim bo‘ladi.
quruvchi tashkilot obyektni topshirishni kechiktirishi mumkin. Tez orada uy to‘yini kutmasangiz ham bo‘ladi.

Ikkilamchi bozor ko‘chmas mulki — bu uy-joy muammosini tezda hal qilish imkoniyatini beradigan tayyor turar joy maydoni: yashovchilari ko‘p, barcha kommunikatsiyalar ulangan, obodonlashtirilgan hovli, rivojlangan ijtimoiy infratuzilma. Uy-joyni ta’mirlash katta xarajatlarni talab qilmaydi.

Kamchiliklari:

eskirgan kommunikatsiyalar;
yuridik sof bo‘lmasligi mumkin.

Har qanday uy-joy variantini tanlayotganda, shoshilmang, tez qarorlar qabul qilmang, chunki xarid qilinayotgan kvartirada aynan siz yashaysiz. Chek-list tuzing, muhim mezonlarni aniqlang: uy-joy parametrlari, loyihalanishi, qavati, chekka yoki markaziy tuman, infratuzilma. Ko‘proq takliflarni ko‘rib chiqing va ularni solishtiring.

Kvartiraning holati bo‘yicha qaror qabul qiling

Ikkilamchi bozorda turar-joy ko‘chmas mulkining ko‘plab variantlarini ko‘rib chiqishda, siz o‘zingiz uchun eng yaxshi variantni topishingiz mumkin. Kvartirani ko‘rish uchun uy egasi bilan kelishib oling. Barcha xonalarning devorlari, shiftlari, pollari, derazalari va eshiklari holatini tekshirib chiqing. Oxirgi ta’mirlash qachon amalga oshirilganligini sotuvchidan so‘rang. Kommunikatsiyalarni ko‘zdan kechiring — elektr shiti, elektr simlari, isitish quvurlari, issiq suv va sovuq suv ta’minoti, santexnika uskunalari, ventilyatsiya, gaz quvuri. Katta ta’mirlashni talab qilmaydigan mayda nuqsonlar bo‘yicha siz uy egasi bilan biroz savdolashishingiz mumkin. Agar uy-joy kapital tamir yoki quvurlar, vanna va untazni almashtirishni talab qilsa, siz kattaroq chegirma so‘rashingiz maqsadga mufoviqdir.

Yangi binolardagi kvartiralar odatda faqat qo‘ra suvoq bilna bo‘ladi. Ta’mirlash uchun xarajatlar yuqori bo‘ladi.

Kvartira sotib olmoqchiman: qavat va xonalar soni

Xarid qilish uchun kvartirani qanday qidirish kerak? Qavatni tanlaymiz. Birinchi qavat har doim arzonroq yuradi. Yangi binolarda qavat qanchalik baland bo‘lsa, obyekt narxi qimmatroq bo‘ladi. Ikkilamchida, oxirgi qavatlar arzonroq — agar binoda lift mavjud bo‘lmasa yoki tomidan chakki otayotgan bo‘lsa.

Xonalar soni ham uy-joy narxiga ta’sir qiladi. Kvartiraning eng mashhur variantlari bir xonali va ikki xonalilardir. Yosh er-xotin uchun bir xonali kvartira mos keladi. Ikki xonali va uch xonali kvartiralar esa bolali oila uchun mos — uch xonali uy-joy har bir oila a’zosiga o‘zining shaxsiy maydoniga ega bo‘lish imkoniyatini beradi.

Piyoda borishdagi masofada nima mavjud bo‘lishi kerak?

Agar siz kvartira sotib olishni rejalashtirayotgan bo‘lsangiz, uyning yaqin atrofdagi quyidagi yengilliklari bor variantlarni ko‘rib chiqing:

jamoat transporti bekatlari;
bolalar bog‘chalari, maktablar, oliy o‘quv yurtlari;
do‘konlar, bozorlar;
tibbiyot muassasalari — poliklinika, shifoxona.

Kvartirani qanday sotib olishadi: xariddan oldin tekshirishingiz kerak bo‘lgan qisqa chek-list

Shinam uy-joy variantini ko‘z ostiga olib qo‘ydingizmi va uni sotib olmoqchimisiz? Ko‘chmas mulkni ko‘rish uchun sotuvchi bilan kelishib oling, lekin undan avval o‘zingiz uchun qisqacha chek-list (tekshirish ro‘yxatini) tuzing. Ushbu ro‘yxatda siz uyning parametrlari va holatini baholaysiz:

tuman infratuzilmasi;
obyektning binodagi joylashuvi;
uy oldi obodonlashganligi, kirish joyi, zinapoyalar va liftning holati;
kvartiraning devorlari, shiftlari, pollari, derazalari va eshiklari;
muhandislik kommunikatsiyalari
sanuzel.

Shuningdek, mulkga tegishli hujjatlarni tekshirishni unutmang.

Qanday qilib kvartira sotib olish mumkin: mustaqil ravishda qidirish kerakmi yoki rieltorga murojaat etish lozimmi?

Agar sizning bo‘sh vaqtingiz bo‘lsa va kvartirani sotib olishda o‘zingiz mustaqil ravishda izlamoqchi bo‘lsangiz, obyektni tanlaganingizdan so‘ng, uy egasi bilan ko‘rishni tashkil qiling. Ammo bitim tuzishdan oldin, ko‘chmas mulk agentligiga murojaat qilish maqsadga muvofiqdir.

Rieltor yordami ikkilamchi mulkni sotib olishni rejalashtirayotganda sizga kerak bo‘ladi. Rieltor kvartiraning tarixini, oldi-sotdi shartnomasini tuzishda cheklovlar, og‘irliklar va boshqa qonuniy to‘siqlar yo‘qligini tekshiradi va bitim tuzish bo‘yicha hujjatlarni tayyorlab beradi. Biroq rieltorlik xizmati pullik.

Xarid qilishdan oldin bevosita tekshirishingiz kerak bo‘lgan qisqa chek-list

Sotib olishdan oldin bevosita quyidagilarni tekshiring:

mulkka egalik hujjatlarining mavjudligi;
mulk egasining pasporti;
kvartirada ro‘yxatdan o‘tganlar haqida ma’lumotnoma — u bo‘sh bo‘lishi kerak;
kommunal xizmatlar bo‘yicha qarzdorlik mavjud emasligi haqida ma’lumotnoma.

Xulosa

Uy sotib olishni rejalashtirayotganda, o‘zingizga qanday yashash maydoni kerak — yangi binomi yoki ikkilamchimi degan savol bering. Shoshilmang, sabr bilan turli xil variantlarni ko‘rib chiqing: joylashgan manzili, ijtimoiy infratuzilmasi, binoning texnik holati, obyektning o‘zi joylashgan joyi. Agar sizga turar joy maydoni yoqsa, ko‘rikni amalga oshiring, ko‘chmas mulk hujjatlari bo‘yicha yurist bilan maslahatlashing — barcha jihatlar qonun doirasidami yoki yo‘qmi, savdolashing. Faqat kvartiraning haqiqiy egasi bilan oldi-sotdi shartnomasini tuzing.