Ideal loyihalanishni (planirovkani) tanlashdagi 10 ta qoida

Ideal kvartira tanlovi, shubhasiz, kvadrat metr, xonalar soni, qavat, binoning turi kabi omillarga bog‘liqdir, ammo yana bir ko‘rsatkich mavjud bo‘lib — bu kvartiraning loyihalanishidir. Axir, aynan loyihalanish qulaylik va oiladagi yoqimli muhitni yaratishga ta’sir qiladi.

Ushbu maqolada sizga loyihalanish nima ekanligini, ideal loyihalanishni tanlash qoidalari haqida aytib beramiz.

Kvartiraning loyihalanishi — bu xonalarning o‘lchamlarini, ularning bir-biriga nisbatan joylashishini, devorlarning joylashishini, shiftlarning balandligini, derazalar va eshiklarning yo‘nalishini va boshqalarni aks ettiruvchi uyning ichki makonini tashkil etishdir.

Kvartiralarning loyihalanishiga arxitektorlar tomonidan quyidagilar joylanadi:

• yashash xonalari;
• hammom;
• dahliz;
• oshxona;
• balkon yoki lodjiya;
• javon uchun tokcha;
• santexnika vositalari o‘rnatish joylari;
• eshik o‘rinlari;
• derazalar;
• devorlar — tashqi, ichki, yuk ko‘taruvchi.

Loyihalanishlarning har xil turlari  mavjud:

• studiya;
• yevropacha;
• ochiq loyihalanish;
• alohidalangan xonalar bilan;
• o‘tish  / qo‘shni xonalar bilan;
• qo‘shni va alohidalangan xonalar bilan,
• master-yotoqxonali;
• ikki qavatli.

Nima uchun loyihalanishni to‘g‘ri tanlash zarur

Kvartiraning ideal loyihalanishi — bu butun yashash maydonidan amaliy foydalanish, qulay harakatlanish va u yerdagi shinamlikda yashashdir. Yaxshi loyihalanish bilan har bir oila a’zosiga o‘z shaxsiy maydoni taqdim etiladi.

Loyihalanishni tanlashda oila a’zolarining sonini, foydali maydonlarni, xonalarning shakli va ularning joylashishini, qayta loyihalanishni amalga oshirish istiqbollarini, koridorlarning uzunligini, javonlar va kiyinish xonalari uchun devordagi tokchalarni, derazalar sonini, balkon yoki lodjiya mavjudligini hisobga oling.

Loyihlanishni tanlashga ta’sir etuvchi omillar

Qaysi kvartira loyihalanishi yaxshiroq? Barcha uyda yashayotganlar uchun qulay muhit yaratadigan uchta asosiy tamoyilga e’tibor qaratish lozim: funksionallik, ratsionallik va zonalashtirish.

• funksionallik — uy-joyning har bir kvadrat metridan samarali foydalaniladi, ya’ni uyning har bir burchagi muayyan bir funksiyani bajaradi: o‘yin yoki sport bilan shug‘ullanish uchun joy;
• ratsionallik — kvartirada yashovchi har bir bir inson uchun uning qiziqishlari va turmush tarzi, yoshi va jinsini hisobga olgan holda talab qilinadigan maydonning tasdiqlangan o‘lchovi;
• zonalashtirish — optimal rejalashtirishning yana bir muhim jihati hisoblanadi. Umumiy zonalar, shaxsiy maydonlar.

Bir kishi uchun qaysi kvartira loyihalanishi yaxshiroq

Bir xonali kvartira yolg‘iz yashashni xohlaydiganlar uchun ideal variantdir.

Bir kishi uchun kvartiralarning turlari:

• studiya — oshxona va yashash maydoni devor bilan ajratilmagan kvartira;
• ochiq loyihalanish — ichki devorlari bo‘lmagan maydon. O‘zingiz mo‘ljallagan maydoningizni tashkil qilish uchun optimal yechim.

Bolali oilalar uchun katta kvartiraning loyihalanishi

Bolali oila uchun qancha kvadrat metr va qaysi o‘lchamlari bor kvartira rejasi kerak?

Odatda 3-4 kishilik oila uchun 48 kv. m maydon taqdim etiladi va bu uyning har bir fuqarosi uchun qulay harakatlanishni va shaxsiy maydonni yaratishni ta’minlaydigan minimum hisoblanadi.

Alohidalangan xonalari mavjud uy-joyni tanlovi bolali oila uchun yaxshi variantdir. Xonalar soni yashovchilar soniga teng bo‘lishi kerak, qo‘shimcha xona esa ya’ni mehmoxona oilaning yig‘iladigan joyi bo‘ladi.

Xonalarning maydoni kamida 5 kv. m tashkil etadi, lekin qulaylik uchun bir kishi uchun 8 kv. m ko‘rib chiqing.

Xonada quyidagilar bo‘lishi kerak: krovat yoki divan, kompyuter stoli, javon. Ikki kishilik yotoqxona maydoni 10 dan 15 kv. metrgacha, premium-klass yangi binolar esa 16 kv. m. 

Keksa insonlar uchun kvartira loyihalanishini qanday tanlash kerak

Nuroniy insonlar uchun uy-joy tanlashda, ularga qulaylik va shinamlikni ta’minlash uchun amaliy loyihalanishni tanlash tavsiya etiladi.

Keksalar o‘tib ketgan yillarini qo‘msab, ular bilan bog‘liq bo‘lgan buyumlarni yig‘ishga moyil bo‘lishadi va barcha ijobiy damlarni eslatuvchi  narsalarni saqlab qolishni xohlashadi. Shu sababli ularning uylarida ko‘plab kitoblar, turli xil suvenirlar, gul tuvakchalari va fotosuratlar mavjud. Shunday ekan, bu narsalarni saqlash uchun joylarni hisobga olish lozim — kitob javonlari, srvantlar, devorlardagi tokchalar.

Oshxona shunday tartibga solinishi kerakki, hech qanday joyga cho‘zilib olishni hojati bo‘lmasligi zarur — javonlarning balandligi qo‘l yetadigan bo‘lishi lozim.

Yotoqxona uchun eng ideal yechim bir tekis chiziqlar, qulay jihozlanish va iliq ranglar bilan interyerning klassik uslubi bo‘ladi. Keksa odamlar shovqinga juda sezgir bo‘lib, kuchsiz tovushdan uyg‘onib ketishlari mumkinligi inobatga olib xonani ovoz o‘tkazmaydigan qilib, eshik va yuqori sifatli derazalarni o‘rnatish lozim. Quyosh nurlari ularni ertalabdan uyg‘otmasligi uchun qalin, to‘q tusdagi pardalar yoki jalyuzlarni o‘rnatish mumkin.

Sanuzel birlashtirilgan va birinchi navbatda, xavfsiz bo‘lishi zarur. Hech qanday sirpanchiq yuzalar bo‘lmasligi kerak. Sirti teksturali kafellarni tanlashni unutmang. Agar zarurat bo‘lsa, sirpanmaydigan gilamcha yozing.

Vannaning o‘lchami nuroniylar gavdasiga mos bo‘lishi kerak. Javonlar va ko‘zgular kvartirada yashovchining bo‘yini hisobga olgan holda joylashtirilishi lozim. O‘tkir burchaklari va zaif qismlarga ega bo‘lgan mebellarni ishlatilmasligi zarur.

Quyosh nuridan bahramand bo‘lish va toza havodan nafas olish uchun keksa insonlar balkonda dam olishni afzal ko‘radilar. Yilning istalgan vaqtida qulaylikni ta’minlash uchun balkonni issiqlik izolyatsiya qilish, yelmizak bo‘lmasligi ta’minlash va issiq pol qoplamasini o‘rnatish kerak. Qulay kursi va kichkina jurnal stolini joylashtirishingiz mumkin. 

Maydondan foydalanishni maksimal darajada oshirish

So‘nggi yillardagi tendentsiyaga kvadrat metrlar asta-sekin shaxsiy maydonlardan uy-joyning umumiy maydonlariga o‘tib borayotganini aniq ko‘rsatmoqda.

Oshxona mehmonxonadan alohida bo‘lishi shart emas. Zamonaviy dudburonni o‘rnatish orqali hidlardan xalos bo‘lish mumkin. Maksimal darajadagi maydon mehmonlarni qabul qilishda qulay — hamma bir xonada, ovqat pishirayotganlar ham hordiq chiqarayotganlar ham.

Balkonli kvartirani tanlab, siz qo‘shimcha maydon yaratib, u yerda kitob o‘qib hordiq chiqazishingiz yoki ishlashingiz, oilangiz bilan birgalikda dam olib shahar manzarasidan bahramand bo‘lishingiz mumkin. Masofadan ishlaydiganlar uchun eng yaxshi variant.

Loyihalanish va interyer uslubi

Kvartiraning yaxshi loyihalanishi bo‘lajak uy egalari uchun qulaylikda yashash kafolati hisoblanadi.

Loyihalanishlar umumiy metrajli va xonalarning joylashuvi bilan bo‘ladi. Kvartiralarning loyihalanishlari turlari:

• klassik — eng qulay loyihalanish va ​​uch xonali kvartiraning ideal loyihalanishi. Har bir xonaga kirish dahlizdan yoki koridordan. Xonalar bir-biriga ulanmagan; Interyer uslubi klassik yoki neoklassik bo‘lishi mumkin;
• yevropacha loyihalanish — oshxonaning maydoni turar-joy maydonidan kattaroq. Kvartirada umumiy dam olish maydoni tashkil etilgan — oshxona va mehmonxona ulangan. Ushbu loyihalanishga minimalizm yoki xay-tek uslubi mos keladi;
• studiya — bu bir xonali kvartiraning ideal loyihalanishi bo‘lib, u yerda sanuzeldan tashqari barcha xonalar bitta maydondan iborat. Oshxona va yashash maydoni ajratilmagan, uchta eshik bor: kirish, hammom va balkonga. Studiya kvartirasi ijodiy g‘oyalar uchun maydondir. Hajmli maydonni funksional va chiroyli tarzda loyihalashingiz mumkin. Minimalizm, loft, xay-tek kabi uslublar mos keladi;
• ochiq loyihalanish — ichki devorlari mavjud bo‘lmagan xona. Aslida, bu studiya kvartirasi, ammo uning maydoni 3 yoki 4 xonali uy-joy bilan taqqoslanishi mumkin. Har qanday uslub mos keladi;
• o‘tish yoki qo‘shni xonalari bo‘lgan kvartira — xonalar umumiy eshik bilan bog‘langan. Ular asosan eski fond kvartiralarida uchrashi mumkin. Minimalizm va xay-tek kabi uslublar mos keladi;
• master-yotoqxonali kvartira — o‘z hammomi yoki kiyinish xonasi ega yotoqxona;qo‘shni-alohidalangan xonalari bor kvartira — ko‘p xonali kvartiralarda uchraydigan loyihalanish;
• alohidalangan xonalari bor kvartira — xonalar shaxsiy maydon bo‘lib qoladi. Kirish faqat koridor yoki oshxona orqali;
• ikki qavatli kvartira — ikki qavatga bo‘lingan kvartiralar. Katta kvartiraning bunday loyihalanishi megapolislarda keng tarqalgan. Ulkan maydon, aniq zonalashtirish — yotoqxonalar va shaxsiy sanuzel yuqori qavatda, pastki qavatda esa oshxona va mehmonxona. Klassik yoki neoklassik uslub kvartirani yanada ko‘rkini ochadi.

Ergonomika va loyihalanish

Ikkilamchi uy-joy bozorida siz ko‘pincha nofunksional loyihalanishlarni ko‘rishingiz mumkin, masalan, tor koridorlar va penal-xonalar.

Masalan, umumiy maydoni 29–33 kv. m. bo‘lgan bir xonali kvartiraning uchdan bir qismidan ko‘pini koridor, oshxona va sanuzel egallashi mumkin. Tor va uzun koridor foydalanish mumkin bo‘lgan joyni behuda sarflashdir. U yerda oddiy javonni joylashtib bo‘lmaydi.

Zamonaviy funksional loyihalanishlarda bunday maydonlar kvadrat metrlari 10% dan oshmaydi. Koridor to‘g‘ri shaklga va kichik bo‘lishi lozim — nofunksional ortiqchametrlarni xarid qilishga hojat yo‘qdir.

Kiyinish xonasining maydoni taxminan 5 kv. m. — bu juda yaxshi variant. Siz barcha kerakli uy anjomlarini saqlashingiz mumkin.

Yashash maydoni — eng muhimi, barcha yashovchilar uchun yetarli joy mavjud bo‘lishi kerak.

Oshxona-studiya — mehmonxona va oshxonani birlashtirish uchun ajoyib imkoniyatdir.

Yotoqxona barcha kerakli mebellarni o‘z ichiga sig‘dirishi lozim.

Lodjiya yoki balkon — dam olish va ish uchun qo‘shimcha maydonlar sifatida foydalanish mumkin.

Zamonaviy kvartiralarning dizaynida funksionallik va ergonomikaga alohida e’tibor beriladi:

• maydonni optimallashtirish — ko‘p maqsadli mebel va devor ichiga qurilgan joylar bo‘sh joydan maksimal darajada foydalanishga yordam beradi. Masalan, yig‘ma stol va krovatlar, ichida o‘rnatilgan javonlar va tokchalar;
• foydalanish qulayligi: mebel va maishiy texnikani joylashuvi qulay foydalanishni ta’minlashi, ko‘p harakatlanish ehtiyojini kamaytirishi lozim;
• ergonomik dizayn — kundalik hayotda shinamlik va qulaylikni ta’minlash maqsadida insonning fiziologik va psixologik ehtiyojlarini hisobga oluvchi interyer dizaynidir.

Kvartira loyihalanishining samarali funksionallik va ergonomikasi farovon hayot kechirishga hissa qo‘shadi. 

Byudjet va lyihalanish

Kvartirani tanlashda yashovchilar soni, kvadrat metr, xonalarning shakli va joylashuvi, koridorning uzunligi, balkonning mavjudligi, derazalar sonidan kelib chiqing.

Kvartiraning optimal loyihalanishi:

• oshxona-studiya;
• sanuzel 7 kv.m dan boshlangan, agar yashovcholar soni ko‘p bo‘lsa, ajratilgan sanuzel kerak;
• keng to‘g‘ri to‘rtburchak xonalar;
• dahliz devorlarining tokchakariga o‘rnatilgan kiyim javonlari;
• yetarli yorug‘lik.

Ikkilamchi bozordan va yangi binolardan o‘lchamlari mavjud kvartiralar loyihalarni va takliflarni ko‘zdan kechiring, taqqoslang. Byudjetingizni hisoblab chiqing. Agar siz yolg‘iz yashashni rejalashtirayotgan bo‘lsangiz, mos ravishda bir xonali kvartirani tanlang, lekin agar farzandlaringiz bo‘lsa, har bir yashovchining o‘z xonasi bo‘lishi kerak.

Ko‘pincha, quruvchi tashkilotlar yoki developerlar haqiqatdan yiroq bo‘lgan o‘lchamlari mavjud kvartiralar loyihalarini namoyish etadilar. Masalan, yotoqxonada ikki kishilik krovat ko‘rsatilgan, ammo uning o‘lchamini qayta o‘lchaganda, u yerda faqat bolalarni joylashtirish mumkinligini tushunasiz. Hammomda ikkita rakovina ko‘rsatilgan, ammo o‘lchamlarni tekshirgandan so‘ng, bitta rakovina o‘rnatilishi mumkinligi ma’lum bo‘ladi. Bitimdan oldin, binolarning o‘lchamlarini baholash uchun loyihalanishni arxitektor yoki dizaynerga ko‘rsating. Loyihalanishda ko‘rsatilgan xonalarning o‘lchamlari haqida ma’lumot berilishini talab qiling, mebel gabaritlarini o‘lchab chiging. 

Ekologik toza va barqaror loyihalanish

Hozirgi vaqtda ekologik toza materiallardan foydalanish tobora muhim ahamiyat kasb etmoqda. Ekologik toza yechimlar atrof-muhitga ta’sirini kamaytirishga va kommunal to‘lovlarni tejashga yordam beradi.

Yog‘och, tosh, shisha va metall kabi tabiiy materiallardan foydalanish interyerga iliqlik qo‘shadi va uning shinamligini yanada oshiradi.

Zamonaviy kvartiralarga texnologiyalarning joriy etilishi ularni aqlli uy-joyga aylantiradi. Ushbu yechimlarning energiya samaradorligi energiya sarfini optimallashtiradi — yorug‘lik, harorat kunning vaqtiga va xonalarda inson mavjudligiga qarab sozlanadi.

Intellektual tizimlarning kvartirani loyihalanishiga integratsiyalashuvi iqtisodiy va ekologik toza uy-joylarni yaratadi. 

Xulosa: kvartiraning ideal loyihalanishi

So‘nggi yillarda loyihalanishlar trendlaridagi o‘zgarishlar individual ehtiyojlarni hisobga olish muhimligini ta’kidlab kelmoqda. Zamonaviy kvartiralarning loyihalanishi ko‘proq qulaylik yaratish tendentsiyasini aks ettirmoqda.

Ideal loyihalanish butunlayin shaxsiy masala bo‘lib, kvartirani sotib olayotganda esa uni qulaylik, funksionallik va ratsionallik nuqtai nazaridan ko‘rib chiqish kerak bo‘ladi.

Kvartirani qanday qilib sotib olish mumkin: uy-joy tanlash bo‘yicha 6 ta maslahat