Dubaydagi masjid, Singapurdagi daraxtlar bilan qoplangan osmono‘par bino va Xitoyning Chendu shahridagi pandalarni ko‘paytirish tadqiqot markazi dunyodagi eng yaxshi yangi inshootlar qatoriga kiritildi.
O‘ziga e’tiborni tortuvchi ushbu inshootlar 2023-yilgi Butunjahon arxitektura festivali (WAF) mukofotlariga da’vogarlik qilayotgan nomzodlar qisqa ro‘yxatiga kiritilgan 250 ga yaqin loyihalar qatoridan joy olgan. Ushbu festival ushbu loyihalardan birining dekabr oyida “Yilning jahon binosi” sifatida tan olinishi bilan yakunlanadi.
Binolar 18 ta toifa bo‘yicha baholanadi. Toifalar g‘oliblari bosh sovrin uchun kurashadilar. Shuningdek, landshaft arxitekturasi, kelajak loyihalari va interyer dizayni bo‘yicha eng yaxshilar ham taqdirlanadi.
Mukofotlar noyabr oyi oxirida Singapurda jonli tarzda WAF'ning 140 kishilik mutaxassislar guruhi tomonidan baholanadi.
2022-yilgi bosh mukofot Avstraliyadagi ofis binosi Quay Quarter Tower'ga nasib qilgandi. Daniyaning 3XN firmasi ushbu binoni qurishda 1970-yillarga mansub konstruksiyaning uchdan ikki qismidan ko‘prog‘ini qo‘llagandan keyin bino dunyodagi birinchi “qayta ishlangan” osmono‘par bino nomini oldi.
Quyida bosh sovrin uchun kurash olib boruvchi ba’zi qiziqarli loyihalar keltirilgan.
Cox Architecture kompaniyasi Ummonning Nizva shahrida barpo etilgan “Ummon asrlar davomida” muzeyi loyihasi uchun mukofotga nomzod bo‘ldi.
Chat Architects dizaynerlarining aytishicha, Tailanddagi baliqchilar qishlog‘ida qurilgan Angsila Oyster Scaffolding Pavilion bir vaqtning o‘zida ham ustritsa yetishtiriladigan fermani, ham ekoturizm obyektini aks ettiradi.
Shanghai United Design Group Co., Ltd tomonidan Xitoyning Chendu shahrida qurilgan 11 qavatli “Panda” minorasi “Chenduda gigant pandalarni ko‘paytirish tadqiqot bazasi” notijorat guruhi uchun yangi obyekt bo‘lib xizmat qiladi.
Birlashgan Arab Amirliklarida joylashgan Dabbagh Architects firmasi Dubayda barpo etgan “Nur masjidi” uchun diniy binolar nominatsiyasi bo‘yicha nomzodlar ro‘yxatiga kiritildi.
Bangkokda joylashgan All(zone) arxitektura firmasi Avstraliyaning Melburn shahrida qurilgan MPavilion uchun nomzodlar qatoriga kiritilgan. Ushbu obyekt har yil boshqa arxitektorlarga foydalanishga beriladi.
Osamu Morishita Architect and Associates kompaniyasi Yaponiyaning Tokusima prefekturasida vodorod yonilg‘i quyish stansiyasi loyihasi uchun nomzodlar qatoridan joy olgan.
Maldiv orollaridagi Turrell yog‘och paviloni Braziliyaning Studio MK27 firmasi tomonidan ishlangan va nomzodlar qisqa ro‘yxatiga kiritilgan ikkita loyihadan biridir.
Xitoyning Xanchjou shahridagi Markaziy-Janubiy arxitektura va dizayn institutining kibersport markazi.
Indoneziyaning Biroe firmasi tomonidan loyihalangan bambuk gumbaz Balida mahalliy ustalar va hunarmandlar tomonidan 2022-yilda orolda bo‘lib o‘tgan G20 sammiti oldidan qurilgan.
