Yaxta yoki uy? Ko‘zni aldovchi yangi me’moriy durdona

Gretsiyaning Vrantsi arxitektura studiyasi Villa Earth nomli xususiy uy qurdi. Uning asosiy jihati - O‘rta yer dengizi qirg‘og‘idagi toshloq landshaftga juda mos keladigan shaklidir.

Uy sizning ko‘zingizni va miyangizni aldashi mumkin. Designboom ma’lumotlariga ko‘ra, muayyan burchaklardan qaraganda u haqiqiy yaxtaga o‘xshaydi.

Villa oyna, po‘lat va o‘ta mustahkam betondan qurilgan bo‘lib, bu materiallar uyga futuristik ko‘rinish berish va shu bilan birga uning uzoq muddat xizmat qilishi uchun tanlangan.

Antiqa binoni qurish vaqtida arxitektorlar eng zamonaviy texnologiyalardan, jumladan parametrik modellashtirish va raqamli ishlab chiqarish usullaridan foydalanishgan. Bu texnologiyalar yordamida konstruksiyaning murakkab, egri va silliq sirtlariga erishish mumkin bo‘lgan.

Yaxta uyining tomi o‘simliklar bilan bezatilgan..

Yaxta-uyning yuqoridan olingan surati uning tashqi va ichki ko‘rinishining ayrim jihatlarini, jumladan, yog‘ochdan ishlangan hordiq chiqarish zonasi va suv havzasining "shaffof" tubini ochib beradi.