Amazon asoschisi, ayni vaqtda dunyoning uchinchi raqamli eng boy odami Jeff Bezos Florida shtatidagi Indian Krik orolidan uy sotib oldi. Bu orol “milliarderlar bunkeri” sifatida tanilgan. Bloomberg’ning yozishicha, uy tadbirkorga 68 mln. dollarga tushgan.
Maydoni 864 kvadrat metrni tashkil qiluvchi uy 1,1 gektar yerda joylashgan. Uy 1965-yilda qurilgan bo‘lib, unda 3 ta yotoqxona va suv havzasi bor. Uyning avvalgi egasi nomi ma’lum qilinmagan.
Ta’kidlanishicha, Bezos sotib olish maqsadida oroldagi boshqa obyektlarni ham ko‘zdan kechirmoqda.
Indian-Krik AQSHdagi orol-shaharcha bo‘lib, u ko‘p sonda boy odamlar yashashi va xavfsizligi tufayli “milliarder bunkeri” deb nom olgan. Orolga faqat qurollangan soqchilar tomonidan qo‘riqlanuvchi ko‘prik orqali borish mumkin. Unda, shuningdek, sayyohlar va paparassini quvish uchun shaxsiy dengiz patruli navbatchilik olib boradi.
“Bunker”da futbolchi Tom Bredi, AQSHning sobiq prezidenti Donald Trampning kuyovi va qizi – tadbirkor Jared Kushner va unin rafiqasi Ivanka Tramp hamda boshqa ko‘plab mashhur insonlar ko‘chmas mulkka ega. Hammasi bo‘lib orolda 40 ga yaqin qarorgoh mavjud.
