Osiyoning eng boy odami, hindistonlik milliarder Mukesh Ambani Nyu-Yorkdagi kvartirasini 9 million dollarga sotdi.
![]()
66 yoshli Ambani dunyodagi eng katta neftni qayta ishlash zavodiga egalik qiluvchi Reliance Industries konglameratini boshqaradi. Tadbirkor Hindiston bosh vaziri Narendra Modining strategik hamkori hisoblanadi. U, shuningdek, Mumbaydagi o‘zining aqlbovar qilmas ko‘rinishdagi 27 qavatli qarorgohi bilan ham mashhur. Biroq milliarderga tegishli barcha ko‘chmas mulk obyektlarining hammasi ham Mumbaydagi uyidagichalik hashamatli emas.
Ambaniga tegishli tashkilot uning Manxettendagi qarorgohini 9 mln dollarga pullagan, deb xabar bermoqda Gimme Shelter nashri.
17 qavatli Superior Ink binosining 4-qavatida joylashgan kvartiraning maydoni 224 kvadrat metrni tashkil qilib, unda 2 ta yotoqxona va 3 ta vannaxona bor. Undan Gudzon daryosiga ajoyib manzara ochiladi.
Superior Ink binosida o‘z vaqtida bir qator mashhur va boy insonlar istiqomat qilgan. Ular orasida aktrisa Xilari Suonk, Nascar poygachisi Jimmi Jonson va milliarder Lesli Aleksandr bo‘lgan.1
Ambanining kvartirasi joylashgan bino 1919-yilda qurilgan. U avval Superior Ink Factory fabrikasiga tegishli bo‘lgan va ta’mirlanib, 2009-yilda turar joy binosi sifatida qayta ochilgan.
