AQSHning Konnektikut shtatida joylashgan va umumiy maydoni 50 akrni (20 gektar) tashkil qiluvchi Copper Beech Farm pomestyesi 138,83 million dollarga sotildi. Long-Aylend bo‘g‘ozida joylashgan ko‘chmas mulk obyekti fevral oyida 150 mln. dollar narx bilan sotuvga qo‘yilgan edi.
Ta’kidlanishicha, xaridorning shaxsini o‘rnatishning imkoni bo‘lmagan.
![]()
Bitimni amalga oshirishda ishtirok etgan agentlarning ta’kidlashicha, uy uchun to‘langan summa shtat uchun rekord qiymat hamda AQSH uchun eng yiriklaridan biri hisoblanadi. Ta’kidlanishicha, AQSHda uy uchun rekord summa 2019-yilda milliarder Ken Griffin tomonidan to‘langan. Griffin Nyu-Yorkning 220 Central Park South manzili bo‘yicha joylashgan kvartirani 240 mln. dollarga xarid qilgan.
Dastlabki nomi Kinkreyg bo‘lgan Copper Beech Farm bilan bog‘liq ilk ma’lumotlar 1890-yillarga mansub. Pomestyening asosiy qarorgohi o‘zidan fransuz renessansiga xos hashamatli uyni aks ettirib, uning maydoni 1254 kvadrat metrni tashkil qiladi. 4 qavatli uyda 8 ta yotoqxona, bolxona va ikki yon tomonida toshdan qad rostlagan 2 ta minora bor.
Ko‘chmas mulk hududida, shuningdek, 2 ta xususiy plyaj, tennis korti, suvi isitiladigan 22 metrlik basseyn hamda spa-salon mavjud.
Uy oxirgi marta 2014-yilda 120 mln. dollarga sotilgan. Bu summa o‘sha vaqtda AQSH uchun rekord qiymat bo‘lgan.
