Redfin kompaniyasi hisobotiga ko‘ra, AQSHda narxi bir million dollar va undan oshuvchi uylar tobora ko‘paymoqda: ayni vaqtda mamlakatdagi barcha uylarning 8 foizdan ko‘prog‘i shunday baholanmoqda.
2023-yil fevralida narxi 7 raqamdan iborat uylar soni keskin kamayib ketgan va mamlakatdagi barcha uylarning 7,3 foizini tashkil qilayotgandi. Hisobotga ko‘ra, hozirda ularning ulushi 2022-yil iyundagi rekord ko‘rsatkich – 8,6 foizga yaqinlashmoqda.
Uylarga taklifning kamayishi sababli narxning ko‘tarilishi 1 million dollardan qimmatroq uylar sonining oshishiga olib kelgan. Ta’kidlanishicha, AQSHda 2023-yil iyul oyida uylarning o‘rtacha narxi 3 foizga ko‘tarilgan, bu esa 2022-yil noyabridan beri eng yuqori sakrash hisoblanadi. Hashamatli uylar narxi esa yanada tezroq ko‘tarilmoqda va yillik 4,6 foizlik o‘sishni qayd qilgan. Bunday uylar o‘rtacha narxi 1,2 mln. dollarni tashkil qilmoqda.
“Mamlakatning katta qismida qimmat ko‘chmas mulk yaxshi holatda saqlanib qolgan va xaridorlarni adolatli narxlarda o‘ziga jalb qilmoqda”, deb aytib o‘tgan Redfin mutaxassisi Chen Chjao.
Ta’kidlanishicha, hozirda AQSHda narxi 1 mln. dollardan oshuvchi uylar soni pandemiyagacha bo‘lgan davrga nisbatan 2 marta ko‘paygan: 2019-yilda mamlakatdagi barcha uylarning 4 foizdan sal ko‘prog‘i 1 mln. dollar va undan yuqori baholangan.
