Niderlandiyaning OMA studiyasi Bangladeshdagi ilk loyihasi – geometrik shakldagi Dhaka Tower osmono‘par binosining vizual tasvirlarini namoyish qildi.
150 metr balandlikka ega bo‘ladigan bino mamlakat poytaxti Daqqa chekkasidagi Xatirjxil ko‘li bo‘yidagi yangi savdo hududida joylashadi va undan ofislar joy oladi. Bino Shanta Holdings buyurtmasiga ko‘ra qurilmoqda.
Dakka minorasiga rasman poydevor qo‘yildi va u tez orada mamlakatning dunyodagi eng tez rivojlanayotgan iqtisodiyotlardan biri ekanligi ramziga aylanadi. Bangladesh yaqinda Janubiy Osiyodagi ikkinchi yirik iqtisodiyot mavqeyiga erishdi.
Osmono‘par bino piramidal asosga va cho‘zilgan shaklga ega bo‘ladi.
180000 kvadrat metr maydonga ega bo‘ladigan Dakka minorasining har ikki tomonida tashqi makonlar bilan bog‘lanadigan atriumlar bo‘ladi.
Baland vestibyullar binoning ikkita uchburchak qismi markazida joylashadi hamda savdo maydonchalari va restoranlar bilan o‘ralgan bo‘ladi.
OMA binoning asosida balandligi 40 metr bo‘lgan ko‘rgazma maydonini loyihalagan, minoraning yuqori qavatida esa ochiq havo va ichkarida o‘tirish mumkin bo‘lgan restoran hamda ikki qavatli tomosha maydonchasi joylashadi.
Daqqa minorasi quriladigan Tejgaon tumani sobiq sanoat hududi bo‘lib, hozirda u yerda mahalliy va transmilliy kompaniyalar bosh qarorgohlari joylashgan.
