Gonkongdagi Repals ko‘rfaziga qaragan o‘ta hashamatli uy 2,2 milliard Gonkong dollariga (taxminan 281,1 million AQSH dollari) sotilmoqda. Bu narx uyni shahardagi eng qimmat ko‘chmas mulkka aylantiradi.
Uy, shuningdek, dunyodagi eng qimmat uylar qatoridan joy oladi. U Nyu-Yorkdagi Central Park Tower osmono‘par binosida joylashgan 250 million dollarlik pentxausdan ham qimmatroqdir. Ayni vaqtda ushbu pentxaus AQSHdagi eng qimmat ko‘chmas mulk ob’yekti hisoblanadi.
18 000 kvadrat metrlik turar-joy binosi 2019-yilda qurib bitkazilgan, ammo shaharda yuz bergan norozilik namoyishlari va Covid-19 pandemiyasi quruvchi kompaniyaga uyni sotuvga qo‘yishiga to‘sqinlik qilgan. Biroq, endi kompaniya sotuvga tayyor bo‘lgan bir paytda ko‘chmas mulk obyektlari narxi pasaymoqda.
Ammo uyning katta o‘lchamdaligi, suvga yaqinligi va nufuzli Ripals-Bey hududida joylashgani xaridorlarni jalb qilishi mumkin.
Uyning sotilishi haqidagi e’londa aytilishicha, 11 xonali, 8 ta hammomli uy "oilalar uchun ideal" hisoblanadi. Shuningdek, uyda bir nechta ochiq maydon, jumladan, suvga qaragan terrasa va hordiq chiqarish hududi bilan o‘ralgan suv havzasi bor.
