Apple kompaniyasining bosh kampusida Mirage (“Sarob”) nomli noodatiy obyekt paydo bo‘ldi. U o‘zidan Zeller & Moye arxitektura studiyasi va shotlandiyalik rassom Keti Paterson tomonidan ishlab chiqilgan shisha panjarani aks ettiradi. Kampusga tashrif buyuruvchilar nafaqat antiqa panjarani, balki to‘laqonli san’at obyektini ko‘rishlari mumkin bo‘ladi.
Panjara balandligi 1,8 m bo‘lgan yuzdan ortiq quyma shisha silindrlardan yasalgan. Studiya asoschisining so‘zlariga ko‘ra, panjarani yaxshiroq o‘rganish uchun u bo‘ylab yurib chiqish muhim. Konstruksiyaning jozibadorligi darhol namoyon bo‘lmay, asta-sekin, bosqichma-bosqich ko‘rina boshlaydi: panjara bo‘ylab yurganingiz sari uning rangi, tuzilishi va zichligi qanday o‘zgarishini kuzatishingiz mumkin. Xuddi sahrodagi haqiqiy sarob kabi!
Quyosh nurlari panjara yuzasiga tushganda, soyalarning antiqa “o‘yinlari” paydo bo‘ladi: ba’zida Mirage atrof-muhit bilan butunlay birlashib ketganday tuyulishi mumkin. Panjaraning cho‘l bilan bog‘liqligi faqat nomidagina emas: unda qo‘llangan shishani ishlab chiqarish uchun dunyoning turli burchaklarida joylashgan cho‘llardan qum yig‘ilgan. Har bir qumning o‘ziga xos tarkibi, zichligi va rangi bor – shu subabli panjaraning yuzasi turlicha akslanadi.
Ta’kidlanishicha, yangi obyekt Apple kampusi xodimlari va mehmonlarining dam olish va uchrashuvlari uchun antiqa va holi joyga aylanishi mumkin.
