Birlashgan Arab Amirliklarining eng yirik qurilish kompaniyasi Emaar joriy yozda o‘zining hashamatli loyihasi – The Oasis’ni taqdim qildi. Umumiy qiymati 20 mlrd. dollarni tashkil qiladigan sohilbo‘yi majmuasi Dubay chekkasida barpo etiladi.
Loyiha 7 mingta ko‘chmas mulk obyekti, hashamatli uylari va villalari bilan kelgusida bu yerda yashaydigan insonlarga kanallar, ko‘llar va bog‘larga ajoyib manzaralar ochilishini va’da qilmoqda.
![]()
Oasis Al-Maktum xalqaro aeroportidan mashinada 18 daqiqalik uzoqlikda joylashadi.
Dubaydagi Armani mehmonxonasida o‘tkazilgan loyiha taqdimotida Emaar asoschisi Muhammad Alabbar so‘z olib, The Oasis ko‘llar, suv kanallari, bog‘lar, yugurish yo‘lkalari, yashil hududlar va ko‘plab qulayliklarga ega katta maydonda qad rostlashini ma’lum qilgan.
![]()
Taqdimotda mashhur hind aktyori Shohruh Xon ham ishtirok etgan. Aktyorning ta’kidlashicha, Emaar doimo shahar mo‘jizalarini yaratishga intilib keladi.
Ta’kidlanishicha, loyiha 140 ming kvadrat metrlik savdo maydonini ham o‘z ichiga oladi. Shuningdek, 929 gektar maydonda 4 va 5 yotoqxonali Palmiera at The Oasis by Emaar villalari, bog‘lar, o‘yingohlar, sport va fitnes-markazlari, sog‘lomlashtirish va spa-markazlari, yugurish va velosiped uchish yo‘lkalari, suv havzalari, plyajlar, masjidlar va maktablar barpo etiladi.
![]()
Villalar narxi 8,5 million dirhamdan (2,3 mln dollar) boshlanadi.
