MoneyTransfers kompaniyasi dunyoning eng ko‘p tashrif buyuriladigan shaharlari va mamlakatlarini ularning har biridagi doimiy aholi soni bilan o‘zaro solishtirib, mahalliy aholi qayerda sayyohlardan kam ekanligini aniqladi.
Olingan natijalardan shu ma’lum bo‘ldiki, Avstriya bu borada yetakchi hisoblanadi. Bu davlatda bir mahalliy kishiga 3,6 nafar sayyoh to‘g‘ri kelgan. 8,9 million aholiga ega bo‘lgan Avstriya har yil 31,9 million sayyohni qabul qiladi.
Keyingi o‘rinlarni har bir mahalliy kishiga 3,8 sayyoh to‘g‘ri keladigan Gonkong va 3 sayyoh to‘g‘ri keladigan Gretsiya egallagan.
Pxuket (Tailand) sayyohlar bilan to‘lib-toshgan dunyodagi eng gavjum shahar deb topildi, bu yerda bir mahalliy kishiga 118,5 sayyoh to‘g‘ri keladi. Qizig‘i shundaki, dunyodagi sayyohlar eng ko‘p gavjum bo‘lgan shaharlar yetakchi uchligiga faqat Tailand shaharlari kirgan: 2-o‘rinni Pattaya (har bir mahalliy kishiga 98,7 sayyoh) va 3-o‘rinni Krabi (har bir mahalliy kishiga 72,2 sayyoh) egallagan. Ammo, shunga qaramay, Tailand aslida eng ko‘p tashrif buyuriladigan davlatlar reytingida nisbatan past o‘rinni egallagan.
Dunyodagi sayyohlar eng kam tashrif buyuruvchi shaharlar uchtaligi ham aniqlangan. Bular:
Rio-de-Janeyro (Braziliya);
Buyenos-Ayres (Argentina);
Pekin (Xitoy).
