Xiaomi o'zining eng katta plansheti Xiaomi Pad 6 Max’ni taqdim etdi. 14 duymli gadjet bozordagi eng yirik zamonaviy planshetlardan biri hisoblanadi hamda Apple va Samsung ishlab chiqaradigan analoglaridan ancha arzon turadi.
Qurilma o‘zidan avvalgi 11 duymli Pad 6 Pro modelidan nafaqat hajmi, balki zamonaviyroq qismlari bilan ham farq qiladi.
Xiaomi Pad 6 Max avvalgi qurilmadan 62% ko'proq ish joyini taklif qiladi. U sinishlar va tirnalishlardan Gorilla Glass 5 oynasi bilan himoyalangan.
Gadjet ichida aqlli Snapdragon 8 Plus Gen 1 chipi va 10000 mA/soat sig‘imli akkumulator o‘rnatilgan. Akkumulator qurilmaga 2 kun beto‘xtov yoki energiya tejash rejimida 40 kun foydalanish imkonini beradi.
Gadjetni zaryadlash uchun 67 vattli adapterdan foydalanish mumkin. U 30 daqiqada 50% gacha, 68 daqiqada esa to‘liq quvvatlanadi. Aytish joiz, planshet yordamida 33 vattli sim bilan boshqa elektron qurilmalarni ham zaryadlash mumkin.
Planshet korpusi metalldan yasalgan. Shu bilan birga, qurilma atigi 750 g keladi, qalinligi esa 6,53 mm.
Alohida ta’kidlab o‘tish joiz, gadjet yon tomonida barmoq izlari skaneri, 8 ta karnay, 4 ta mikrofon, NFC chipi, o'yinlar va video oqimlar uchun Dolby Vision va Dolby Atmos bilan jihozlangan. Qurilma kameralari ham uyaltirib qo‘ymaydi: asosiysi 50 MP, old kamerasi 20 MP.
Quyida gadgetning asosiy xarakteristikalari keltirilgan:
- ekran: 14 duym, IPS, 2880 x 1800 piksel, 120 Gts;
- protsessor: Qualcomm Snapdragon 8 Plus Gen 1;
- xotira: 8/256 GB, 12/256 GB, 12/512 GB, 16 GB / 1 TB;
- batareya: 10 000 mA/soat, 67 Vtli tez zaryadlash.
Planshet narxi 3800 yuandan (taxminan 521 dollar) boshlanadi. Xitoyda qurilma sotuvi allaqachon boshlangan, u qora va kumush ranglarda taklif qilinmoqda. Planshet uchun stilus va klaviaturani alohida sotib olishga to‘g‘ri keladi.
