Xiaomi kompaniyasi ikkita yangi 13T va 13T Pro flagman smartfonlarini taqdim etdi.
Avvalgi Xiaomi flagmanlari kabi, 13T va 13T Pro ham Leica brendi ostidagi kameralar tizimi bilan jihozlangan. Har bir smartfonda 50 megapikselli asosiy kamera, 50 megapikselli teleobyektiv va 12 megapikselli keng burchakli hamda 20 Megapikselli old kamera bor.
Xiaomi 13T Pro smartfoni MediaTek Dimensity 9200 Plus, 13T esa Dimensity 8200-Ultra protsessorlarida ishlaydi. Ikkala telefonda ham 5000 mA-soat batareyalar mavjud, ammo faqat 13T Pro‘ni 120 Vt.gacha tezkor quvvatlagich bilan quvvatlantirish mumkin. 13T modeli quvvatlagichining maksimal quvvati 67 Vt.ni tashkil qiladi.
Ikkala telefon ham 6,67 duymli displeyga ega bo‘lib, uning ko‘rsatish qobiliyati 2712x1220 pikselni tashkil qiladi. Gadjetlar IP68 standartiga mos namlik va changdan himoyaga ega.
Xiaomi 13T Pro 12 GB tezkor va 256 GB ichki, 12 GB tezkor va 512 GB ichki hamda 16 GB tezkor va 1 TB ichki xotira ko‘rinishidagi konfiguratsiyalarda taklif etiladi. Xiaomi 13T esa 8 yoki 12 Gb tezkor va 256 Gb ichki xotira bilan yetkaziladi.
Xiaomi 13T Pro narxi 790 dollardan, Xiaomi 13T'niki esa 669 dollardan boshlanadi. Qurilmalar ayni vaqtda Yevropa va Buyuk Britaniyada sotuvga chiqarilgan.
