Olimlar global isishga qarshi kurash sifatida taklif qilinayotgan Quyosh yorqinligini sun’iy ravishda kamaytirish xavfli ekanidan ogohlantirishmoqda.
Olimlarning bu boradagi prognozlari BMTning iqlim o‘zgarishi bo‘yicha hukumatlararo kengashiga taqdim etildi.
Ularning ta’kidlashicha, quyosh nurini koinotga qaytaruvchi oltingugurt zarralari qo‘shilgan aerozollarni stratosferaga purkash orqali Quyosh yorqinligini kamaytirish sayyora uchun salbiy oqibatlarga olib keladi.
Bu, birinchi navbatda, Yer atmosferasidagi quyosh faolligi darajasini kamaytiradi, bu esa Janubiy Osiyo va G‘arbiy Afrikada musson yomg‘irlari siklini izdan chiqaradi. Buning oqibatlari qishloq xo‘jaligi ekinlari hosildorligining pasayishi bo‘ladi va millionlab odamlarni ochlik yoqasida qoldiradi.
Bundan tashqari, quyosh nurini sun’iy ravishda to‘sish Yerning ozon qatlami buzilishiga olib kelishi mumkin. Ozon qatlami Yerdagi hayotni zararli ultrabinafsha nurlanishdan himoya qilishda muhim rol o‘ynaydi. Quyosh radiatsiyasining aralashuvi bu jarayonni izdan chiqarishi hamda ekotizimlar va inson salomatligiga tahdid solishi mumkin.
Shu munosabat bilan, olimlar global isishga qarshi kurashning ushbu usuliga ta’qiq joriy etishga chaqirishdi.
Iqlimshunoslar global isishga qarshi kurashish uchun karbonat angidrid va metan kabi issiqxona gazlarining atrof-muhitga chiqarilishini qisqartirishga ko‘proq e’tibor qaratishni tavsiya qilishmoqda. Ular, shuningdek, sanoat va energetika sohasida karbonat angidridni utillashtirish usullarini ishlab chiqish va qo‘llashga chaqirishmoqda. Ushbu chora-tadbirlar iqlimning salbiy o‘zgarishlarini yumshatish va oldini olishda samarali hisoblanadi hamda global isishni bartaraf etishning yanada barqaror yo‘llarini taklif etadi.
