Isroilning Kitchen Robotics kompaniyasi dunyodagi eng tez ovqat pishiruvchi robot Beastro‘ni yaratdi. U bir daqiqadan kamroq vaqt ichida bitta, bir soat ichida esa 75 tagacha turli taom tayyorlay oladi.
Robot-oshpaz salatlar, garnirlar, sho‘rvalar, go‘sht va hokazo taomlarni tayyorlay oladi. Taom retseptlarini o‘zingiz yaratishingiz mumkin, asosiysi robotni zarur masalliqlar bilan to‘ldirish lozim.
Qurilmani oddiy quymoqdan tortib taycha, hind, italyan, kubincha taomlargacha pishirish uchun ishlatish mumkin. Unga har qanday retseptni aniqlash uchun besh daqiqadan kamroq vaqt talab etiladi.
Robotda suyuqliklar uchun 12 ta va quruq masalliqlar uchun 23 ta idish bor. Robot-qo‘l zarur masalliqlarni maxsus idishga solib, ularni aralashtirishga jo‘natadi. Ma’lum qilinishicha, bitta robot-oshpaz 4 kishi o‘rnini bosa oladi va oziq-ovqat chiqindilari hajmini 33 foizga kamaytiradi.
Robotni obuna orqali oyiga 3970 dollardan to‘lab sotib olish mumkin. Narx qurilmani o‘rnatish, unga texnik xizmat ko‘rsatish va qo‘llab-quvvatlashni o‘z ichiga oladi. Hozircha 10 ta robot-oshpaz ishlab chiqarilgan, ammo Kitchen Robotics 2024-yilgacha yana 100 ta shunday qurilmadan ishlab chiqarishni rejalashtirmoqda. Robot-oshpazlar butun dunyo bo‘ylab restoranlarga yetkaziladi.
