17-avgust kuni “Luna-25” Oy stansiyasi Yerning tabiiy yo‘ldoshi sirtining birinchi tasvirini suratga oldi. Bu haqda “Roskosmos” korporatsiyasi xabar qildi. Stansiya Oyning janubiy qutbiga qo‘ngan tarixdagi birinchi stansiya bo‘ldi.
Suratda oyning ko‘rinmas tomonidagi janubiy qutbida joylashgan Zeyeman krateri tasvirlangan. Krater Yerdan ko‘rinmaydi, shu sababli stansiya yuborgan tasvir o‘ziga xos noyob surat bo‘lgan. Zeyeman fan nuqtayi nazaridan ajoyib obyekt hisoblanadi.
Olingan tasvirlar ushbu krater haqidagi mavjud ma’lumotlarni sezilarli darajada to‘ldiradi.
Oy orqa tomonining birinchi fotosurati 1959-yil oktabr oyida sobiq ittifoqning «Luna-3» stansiyasi tomonidan olingan.
Yangi surat “Luna-25”dagi STS-L majmuasining telekameralari tomonidan qayd qilingan. Shuningdek, stansiya Oyda turli datchiklar yordamida kuzatishlar olib borishni boshlab yuborgan.
Eslatib o‘tamiz, «Luna-25» stansiyasi Rossiya tarixidagi birinchi Oy missiyasi doirasida 11-avgustda Oy tomon uchirilgandi.
Stansiya o‘z missiyasi davomida Oy tuprog‘idan namunalar olib, uni tahlil qiladi, turli ilmiy tadqiqotlar olib boradi, regolitning yuqori qatlami va Oy ekzosferasini o‘rganadi. Shuningdek, stansiya Yer sun’iy yo‘ldoshida suv bor yoki yo‘qligiga javob berishi kutilmoqda. “Roskosmos” ma’lumotlariga ko‘ra, stansiyaning ilmiy ishi bir yil, ya’ni 2024-yilning yoziga qadar davom etadi. Stansiya Oyda abadiy qoladi, chunki uni Yerga qaytaruvchi qurilmasi yo‘q.
