Fransiyaning Zapata kompaniyasi gibrid-elektr qurilmali, o‘ta yengil bir o‘rindiqli uchish qurilmasi AirScooter'ni taqdim etdi.
Qurilma tepasida 8 ta o‘qda joylashgan 12 ta parrak yordamida vertikal holda uchib-qo‘na oladi.
Unda 3000 m.dan 4000 m.gacha balandlikda 100 km/soat tezlik bilan harakatlanish uchun sakkizta elektr dvigatel va to‘rtta issiqlik dvigateli bor.
AirScooter quyidagi o‘lchamlarga ega: uzunligi 3,40 m, eni 3,40 m, balandligi 2,56 m. Bu tuxumsimon shakldagi uchish qurilmasi bo‘lib, uning kreyser tezligi 80 km/soat.ni, maksimal tezligi esa 100 km/soat.ni tashkil qiladi.
Zapata o‘zidan gibrid-elektr transport vositasini aks ettirib, u elektr kuch qurilmasi yoki yonilg‘i dvigatelida ucha olishini anglatadi. Samolyotda 12 ta elektr dvigatel va 18,9 litrlik yonilg‘i baki mavjud. Ushbu gibrid-elektr kuch qurilmasi AirScooter'ga 2 soatdan ortiq parvoz qilish imkonini beradi.
Qurilmaning og‘irligi 112 kg.ni, u oladigan maksimal foydali yuk 120 kg.ni, maksimal uchish og‘irligi esa 232 kg.dan ortiqni tashkil qiladi. Uchish qurilmasi uch tayanchli shassi yordamida qo‘nadi.
AirScooter AQSHning Fuqarolik aviatsiyasi federal boshqarmasi qoidalariga mos keladi va uni uchuvchi guvohnomasisiz ham o‘ta yengil uchish qurilmasi sifatida boshqarish mumkin
