Razer kompaniyasi rahbari ijtimoiy tarmoqlarda noyob kompyuter sichqonchasini namoyish qildi. Bu 24 karatli oltin bilan qoplangan Viper Mini sichqonchasidir. Albatta, bunday qurilma juda hashamatli ko‘rinadi.
Razer rahbari Ming-Lyan Tan ushbu sichqonchaning yaratilish tarixini so‘zlab bergan. Uning aytishicha, bir badavlat odam kompaniyadan o‘zi uchun Viper Mini buyurtirgan, biroq bir talab qo‘ygan – sichqonchaning korpusi oltindan ishlangan bo‘lishi kerak edi. Kompaniya buyurtmani bajarishga rozi bo‘lgan va hattoki millionerning ismini sovg‘a qutisiga o‘yib tushirgan.
Oltin sichqoncha bitta nusxada ishlab chiqarilgan. Kompaniya qurilmaning narxini sir saqlashga qaror qilgan.
Asl Viper Mini sichqonchasi 280 dollar turadi. Kompaniya ushbu modelni o‘z tarixidagi eng yengil sichqoncha deb ta’riflaydi. Qurilmaning og‘irligi atigi 49 grammni tashkil qiladi.
Gaplarga qaraganda, oltin sichqonchaning narxi 1000 dollar atrofida bo‘lishi mumkin, ammo uning egasi ko‘proq pul to‘lagan bo‘lishi mumkin. Ta’kidlanishicha, kompaniya noyob sichqonchani ishlab chiqarish va yetkazib berishda «ter to‘kishiga” to‘g‘ri kelgani hisobga olinsa, qurilma o‘z egasiga kamida bir necha ming dollarga aylangan.
