Apple kompaniyasi kuzgi taqdimotiga taklifnomalar yuborishni boshladi. Unga ko‘ra, taqdimot 2023-yil 12-sentabrda o‘tkaziladi. Tadbir Toshkent vaqti bilan 22:00 da boshlanadi.
Taqdimot gibrid formatda o‘tkaziladi. Taklif etilgan jurnalistlar Apple Park'ga tashrif buyurishadi, qolganlar esa taqdimotni kompaniya veb-sayti yoki YouTube'dagi kanalida tomosha qilishlari mumkin bo‘ladi.
Taqdimot Wonderlast, ya’ni “Mo‘jizalar kutib” deb nomlandi. Tadbirning bosh obyekti har doimgidek yangi iPhone bo‘ladi. Bu yil iPhone 15, iPhone 15 Plus, iPhone 15 Pro va iPhone 15 Pro Max anonsi kutilmoqda. Taklifnomada Apple logotipi kulrang, ko‘k va qora ranglarda tasvirlanganiga qaraganda, iPhone 15 Pro qatori shu ranglarda paydo bo‘lishi mumkin.
Yangi iPhone'lardagi asosiy yangiliklardan biri Light'ning razyomi o‘rniga keng tarqalgan USB Type-C'ga o‘tilishi bo‘ladi. Shu tariqa, Apple Yevropa Ittifoqining barcha mobil gadjetlarni standart zaryadlash porti bilan jihozlash bo‘yicha talabini bajargan bo‘ladi.
Bundan tashqari, yangi ayfonlar takomillashgan displeylar, yangi Apple A18 Bionic chipi va boshqa yangilanishlar oladi.
Taqdimotda yangi smartfonlar bilan bir qatorda Apple Watch “aqlli” soatlarining yangi oilasi ham e’lon qilinishi kutilmoqda. Kompaniya yangi Watch Series 9 bilan bir birga, o‘zining Watch Ultra flagman soatining yangilangan versiyasini taqdim etishi mumkin. Shuningdek, yangi MacBook namoyish qilinishi mumkinligi haqida gaplar tarqalgan.
