2021-yilda Smart Tire kompaniyasi va NASA koinot agentligi birgalikda velosipedlar uchun “abadiy” shinalarni ishlab chiqdi. Bunday g‘ildiraklar ichida havo o‘rniga nikel-titan qotishmasidan tayyorlangan prujina mavjud bo‘ladi. Bu qotishma titan kabi kuchli, lekin kauchuk kabi bikirdir. Kelajak shinalari Metl deb nomlangan.
Prujina g‘ildirak shaklini saqlab qoladi va jismlar bilan to‘qnashganda deformatsiyalanib, so‘ngra yana asl holatiga qaytadi. Shu sababli, bunday shinalarda yurish vaqtida chuqurlar va notekis yo‘llar sezilmaydi.
Bunday g‘ildirakning ikkinchi afzalligi shundaki, u pusaymaydi. Agar siz bexosdan mixni bosib olsangiz, g‘ildirakda teshik paydo bo‘ladi, lekin u o‘z xususiyatlarini yo‘qotmaydi. Undan rezinadan ishlangan tashqi qatlami yedirilib ketmaguncha (12 875 km.ga yetadi) foydalanish mumkin. Muhandislarning ta’kidlashicha, shinalar shunchalik puxtaki, ular yaroqqsiz holga kelishidan oldin velosipedning ishdan chiqishi ehtimoli kattaroq.
Dastlab NASA bunday shinalardan Marsga uchuvchi qurilmalarda foydalangan. Inson Qizil sayyorada yorilib ketgan shinani almashtirish imkoniyatiga ega bo‘lmasligi sababli olimlar shikastlanishlarga chidamli va shu bilan birga, oddiy g‘ildirak kabi bikir g‘ildirak yaratishlariga to‘g‘ri kelgan.
Shinalarni Kickstarter platformasida 1300 dollardan buyurtirish mumkin. Antiqa shinalarni 2024-yil iyun oyidan o‘z egalariga yetkazib berish boshlanadi.
