Iyul oyi oxirida Samsung beshinchi avlod buklanuvchi qurilmalari qatorini chiqardi. Ma’lum bo‘lishicha, yangi qurilmalar maqtashga arzigulik jihatlarga ega. DxOMark veb-sayti mutaxassislari Samsung Galaxy Z Fold5 buklanuvchi smartfon ekranini sinovdan o‘tkazishdi va uni bozordagi eng yaxshi displey deb tan olishdi.
Sinov natijalariga ko‘ra, smartfon ekrani 152 ball to‘pladi va bu natija evaziga umumiy reytingda birinchi o‘rinni egalladi. Yetakchi uchlikdan reytingning avvalgi peshqadami Google Pixel Fold va Honor Magic5 Pro smartfonlari ham joy oldi, ular 151 ball to‘plagan.
Mutaxassislar Samsung smartfonini ranglarni aniq uzatishi va avtomatik yorqinligi yaxshi ishlashi, har qanday yorug‘lik sharoitida matnlarning yaxshi o‘qilishi va ekranning bir maromda ishlashi uchun yuqori baholashgan. Displeyning kamchiliklari orasiga unga quyosh nuri tushganda yuqori yorqinlik rejimi ekrandagi tasvirga notabiiy ko‘rinish berishi hamda ekranning buklanadigan joyi ilg‘anishi kiritilgan.
Samsung Galaxy Z Fold5 ikkita - 7,6 duymli ichki buklanadigan va 6,2 duymli tashqi ekran bilan jihozlangan. Ikkala displeyda ham Dynamic AMOLED 2X matritsasi qo‘llangan.
