Xitoylik “ustamonlar” smartfonlarni qo‘shimcha yashirin kameralar bilan jihozlashmoqda. Bunday qurilmalar jamoat joylarida odamlarni yashirincha yozib olish uchun ishlatiladi, deb yozmoqda Gizmochina nashri.
Telefonlar internetda 2000 yuan (275 dollar) atrofida sotilmoqda. Firibgarlar qurilmalarni har qanaqasiga modernizatsiya qilishga harakat qilishmoqda. Misol uchun, ular old kamerani olib tashlab, uni quloqchinlar razyomiga o‘rnatishlari mumkin. Shuningdek, ularda telefonga o‘chiq holatda ham maxfiy kamera yordamida suratga yoki videoga olish imkonini beruvchi maxsus dastur mavjud.
Natijada yashirincha olingan tasvirlar internetda tarqatilishi mumkin.
Xitoy politsiyasi odamlarning shaxsiy hayotiga tajovuz qilish uchun “ayg‘oqchi smartfon”larni sotib olish va ulardan foydalanish taqiqlangani haqida ogohlantirmoqda. Xitoyda ishlab chiqarilgan ko‘pgina gadjetlar mamlakatimizda ham sotilganligi sababli, modifikatsiya qilingan smartfonlar bizgacha ham yetib kelishi mumkin.
Hozircha axloqqa zid ushbu texnologiya qurboniga aylanishni istamaydiganlar uchun yagona maslahat - ehtiyotkor bo‘lish va yon-atrofni sinchkovlik bilan kuzatish lozim. Agar kimdir shubhali harakat qilayotganini, masalan, telefonini g‘ayrioddiy tarzda ushlab turganini ko‘rsangiz, “ayg‘oqchi” kameralar borligini unutmang.
