Xitoyning Tecno kompaniyasi ilk bor 2023-yil mart oyida taqdim etilgan Spark 10 Pro smartfonining maxsus versiyasini chiqardi. Moon Explorer Edition deb nomlangan model Hindiston fazoviy qurilmasining Oyga birinchi qo‘nishiga bag‘ishlangan.
"Oy" smartfoni Hindistonning "Chandrayaan-3" missiyasidan so‘ng chiqarildi. Ushbu missiya doirasida 23-avgust kuni Yerning tabiiy yo‘ldoshiga lunoxod qo‘ndirilgan. Shundan so‘ng Hindiston AQSH, Xitoy va sobiq ittifoqdan keyin Oy yuzasiga o‘z tadqiqot qurilmasini qo‘ndirishga muvaffaq bo‘lgan to‘rtinchi davlat bo‘ldi. Hindiston, shuningdek, Oyning janubiy qutbiga qurilma qo‘ndirgan dunyodagi birinchi davlatga aylandi.
Spark 10 Pro Moon Explorer Edition qorong‘ida yashil rangda yonadigan silikon eko-charmdan ishlangan “fazoviy” orqa panel oldi.
Qurilmaning kamera bloki Oy kraterlari va uning kulrang ekanini eslatadi. Kamera modullari atrofida fazoviy tadqiqotlarga bag‘ishlangan yozuvlar bor. Smartfonning asosiy versiyadan boshqa farqlari yo‘q.
Spark 10 Pro 6,78 duymli OLED-ekran, Helio G88 protsessori, 8 Gb tezkor va 128 Gb doimiy xotiraga ega. Qurilma 5000 mA-soatli akkumulatorda ishlaydi hamda 50 Mp.li asosiy, 0,8 Mp.li qo‘shimcha va 32 Mp.li old kameralar bilan jihozlangan. Gadjet Android 13 operatsion tizimida ishlaydi.
