Lamborghini o'zining birinchi to'liq elektr sportkari Lanzadorni rasman taqdim etdi. Mashina, shuningdek, crossover ham hisoblanadi.
Lanzador kontsept-kari Monterey Car Week ko‘rgazmasi doirasida taqdim etilgan.
Lanzadorning ommaviy ishlab chiqarilishiga hali 5 yil bor, shuning uchun uning texnik ko‘rsatkichlari o'zgarishi mumkin. Yo‘ltanlamas sportkar 2028-yilda sotuvga chiqariladi.
Ta'kidlanishicha, Lanzadorda 1 MVt quvvatga (1360 ot kuchi) ega kuch qurilmasi, 23 duymli g'ildiraklar, Lamborghini Dinamica Veicolo Integrata harakatlanish dinamikasini nazorat qilish tizimi va Aerodinamica Lamborghini Attiva faol aerodinamik tizimi mavjud. Aerodinamik tizimga old splitter, yon aerodinamik elementlar, orqa diffuzor va jalyuzilar kiradi.
Aerodinamik elementlar eng tejamkor haydash rejimida ro‘paradan kelayotgan havo oqimiga minimal qarshilikni ta'minlaydi, sport rejimida esa avtomobilni yaxshiroq boshqarish uchun uni pastga bosish kuchini oshiradi.
Lanzador saloni 2 + 2 ko‘rinishda, ya’ni ikki katta kishi va ikki bolaga mo’ljallangan bo‘lib, orqa o'rindiqlar yig‘ֹilganda narsalar uchun ko'proq joy hosil bo'ladi. Sportkarning ichi, ehtimol, barcha sport avtomobillari ichida eng futuristik ko‘rinishga ega bo’lsa ajab emas.
