Fransiyada million dollardan ortiq boylikka ega 2,8 milliondan ko‘proq odam yashaydi. Bu haqda Shveysariyaning UBS banki ma’lumotlariga tayanib fransuz jurnalistlari ma’lum qildi.
Hisoblashlarga ko‘ra, mamlakatda dunyodagi jami millionerlarning 4,8 foizi yashaydi. Reytingda yetakchilikni hamon AQSH egallab turibdi - mamlakatda jami millionerlarning 38,2 foizi (22,7 million kishi) yashaydi. 2-o‘rinni 6,23 million millioner (10,5%) bilan Xitoy egallamoqda.
E’tiborlisi, Fransiya ilk bor yetakchi uchlikdan joy oldi. U bu borada Yaponiya, Germaniya va Britaniyani ortda qoldirdi. AFP axborot agentligiga ko‘ra, ushbu davlatlarda 2022-yil natijalariga ko‘ra millionerlar soni sezilarli kamaygani Fransiyaning bunday muvaffaqiyatga erishishiga sabab bo‘lgan. Ayni vaqtda millionerlar soni Yaponiyada 466 ming, Britaniyada 439 ming, Germaniyada 253 mingga kamaygan. Bu orada Fransiyada millionerlar soni 25 kishiga ko‘paygan.
Umuman olganda, dunyoda boyligi bir million dollardan oshadigan odamlar soni 2022-yilda 3,5 million nafarga kamaygan. Tahlilchilarning fikricha, bunday holat 2008-yildan beri birinchi marta kuzatilmoqda.
