Agar siz xizmat pillapoyasida o‘sish istiqboliga ega va 100 000 AQSH dollari yoki undan ortiq maosh to‘lanadigan ish izlayotgan bo‘lsangiz, texnologiya yoki sog‘liqni saqlash sohasida ishlashni bir o‘ylab ko‘rishingiz mumkin.
Ladders ish izlash platformasining yangi tadqiqotlariga ko‘ra, aynan ushbu ikki sohada eng ko‘p olti raqamdan iborat summali bo‘sh o‘rinlari taklif qilinadi.
Bundan tashqari, ushbu talabgir lavozimlardan birini egallash uchun sizdan bir necha yillik ish tajribasi yoki ilmiy daraja talab qilinmaydi. "Bugungi kunda kompyuter fanlarining bakalavr darajasiga ega bo‘lgan yangi bitiruvchilari faoliyatlarining boshidayoq 100 000 dollar maosh olmoqdalar", deydi Ladders asoschisi Mark Cenedella.
Ladders yuqori maoshli ish o‘rinlariga ishchilar eng ko‘p yollanadigan sohalarni o‘rganish uchun yanvardan avgustgacha bo‘lgan davrda o‘z saytida 100 000 dollardan ko‘proq maosh to‘lanadigan eng ko‘p bo‘sh o‘rnini taklif qiluvchi eng yaxshi 10 ta kasbni aniqladi.
Quyida ushbu kasblar keltirilgan:
Muhandis-dasturchi
Katta muhandis-dasturchi
Loyihalar bo‘yicha menejer
Klinik psixolog
Tizim muhandisi
Litsenziyalangan klinik ijtimoiy ishchi
Tish shifokori
Dastur menejeri
Davolovchi shifokor
Katta yoshlilar psixiatri
Ladders tadqiqotiga ko‘ra, ushbu lavozimlarga eng kam ish haqi 100 000 dollar deb reklama qilinuvchi ko‘plab bo‘sh o‘rinlari mavjud bo‘lib, bu kompaniyalar kadrlar yetishmovchiligini boshdan kechirayotgani va iste’dodlarni jalb qilish maqsadida maoshlarni oshirayotganini yoki yuqori maoshli boshqaruv lavozimlariga ishchilar yollayotganidan darak berishi mumkin.
Bundan tashqari, moslashuvchanlik ish beruvchilar xodimni yollashda qadrlaydigan muhim jihatlardan biri hisoblanadi.
