Ijaraga beriladigan kvartirani ta’mirlash: asosiy qoidalar
Ijaraga beriladigan kvartirani yaxshi ta’miri potentsial ijarachilarni tezda topishda bevosita ta’sir qiladi, sababi uy-joyning tashqi ko‘rinishi tanlovning asosiy omili hisoblanadi.
Ushbu maqolada siz ijaraga beriladigan kvartirani ta’mirlashning asosiy qoidalari haqida bilib olasiz.
Ijaraga beriladigan kvartirani ta’mirlash ikki ko‘rinishga ega:
- uzoq muddatli ijara uchun;
- qisqa muddatli ijara uchun.
Uzoq muddatli ijarada, ijaraga beriladigan kvartirani ta’miri bardoshli, ergonomik va zamonaviy bo‘lishi kerak.
Ijarachilar bunday kvartirada bir yildan ortiq yashaydilar va ta’mirlash ishlari davomida u uy egasidan ko‘p vaqt va kuch talab qilmaydi, balki qulay yashash uchun mos bo‘ladi. Kvartirani yaxshi va zamonaviy ta’mirlash esa tez va foyda bilan bitim tuzishda ko‘proq imkoniyatlar yaratadi.
Qisqa muddatli ijarada esa, eng muhimi funksionallikdir — qulaylik va barcha kerakli jihozlarga ega. Bundan tashqari, chidamli materiallar yordamida tezlik bilan ta’mirni amalga oshirish imkoniyati.
Ta’mirdan oldin ishlar bajarilishi rejasini tuzib oling:
- loyihani ishlab chiqish;
- demontaj ishlari;
- zarurat bo‘lsa, yangi devor va yangi eshik o‘rinlarini qurish, lekin davlat uy-joy inspeksiyasi bilan kelishgan bo‘lishi shart;
- muhandislik kommunikatsiyalarni almashtirish: elektr, quvurlar, ventilyatsiya;
- deraza va eshik romlarini almashtirish;
- birlamchi pardoz: devorlar, shiftlar, pollarni tekislash;
- ikkilamchi pardoz: devorlarni bo‘yash yoki devor qog‘ozi bilan qoplash, tortiluvchan shiftni o‘rnatish, pol qoplamasi — laminat yoki linoleum;
- qurilish chiqindilarini olib ketish.
Pudratchilar va materiallar bilan ishlash
Pudratchi bilan ishlashda siz bo‘lajak ta’mirning barcha tafsilotlarini muhokama qilib olishingiz kerak — birlamchi yoki ikkilamchi pardoz, kommunikatsiyalarni almashtirish, material, xonalarning rangi, ishning narxi va muddati. Ish jarayonini nazorat qiling va uning sifatini tekshiring. Barcha ishlarni sinchkovlik bilan tekshiring, ta’mirlash ishlari tugagandan so‘ng to‘lovni amalga oshiring.
Ijaraga beriladigan uy-joyda uzoq vaqt davomida xizmat qiladigan va katta yuklamalarga chidamli materiallardan foydalanish lozim:
- pol laminati;
- yuvilishi mumkin bo‘lgan devor bo‘yoqlari;
- shift vinil plyonkalar.
Shunday qilib, ijarachilar almashishi o‘raligida faqatgina kichik ta’mirlash ishlarini bajarasiz xolos.
Parvarish qilish qiyin bo‘lgan materiallardan foydalanmang. Misol uchun, yuqori tukli kovrolin juda tez yomonlashadi, kir va hidlarni singib ketadi — ijarachilar almashishida ijara narxi tushishiga olib kelishi mumkin.
Materiallar quyidagi xususiyatlarga ega bo‘lishi lozim:
- chidamlilik;
- parvarish qilish qulayligi;
- judayam qimmat bo‘lmagan narxda.
Ishonchli pudratchilarni izlash
Shunday qilib, agar siz ijaraga beriladigan kvartirani ta’mirlashni rejalashtirayotgan bo‘lsangiz, ishonchli va tajribali pudratchi topishimiz kerak. Agar sizning tanish ustalaringiz bo‘lmasa? Quyidagilar bo‘yicha izlab ko‘ring:
- ta’mirlash xizmatlari saytlarida;
- shaxsiy e’lonlar;
- do‘stlaringiz yoki qo‘shnilaringizdan so‘rab ko‘ring.
Ta’mir ishlari bo‘yicha sharhlarni va obyektlardagi bajarilgan ishlarni ko‘rib chiqishni unutmang.
Muayyan vazifalarni bajarish uchun turli xil tajribali mutaxassislarni jalb qiling, masalan:
- elektr jihozlarini o‘rnatish va simlarni ulash;
- santexnika uskunalarini o‘rnatish;
- quvurlarni o‘rnatish va yotqizish.
Bunday montaj ishlari nafaqat vaqtni tejashga, balki kelajakdagi ortiqcha xarajatlarni oldini olishda yordam beradi.
Sifatli qurilish materiallarini tanlash
Sifatli materiallarni tanlang, biroq juda qimmatlarini emas.
Tanlov davlat andozalariga mos keladigan va sifat sertifikatiga ega bo‘lgan qurilish materiallariga tushishi lozim. Mahsulotga kafolat beradigan ixtisoslashgan do‘konlarda xarid qiling.
Arzon yoki soxta materiallardan foydalanish vaqt va pulni behuda sarflashdir. Masalan, past sifatli bo‘yoqning rangi tezda ocharib ketadi, arzon pol qoplamalarining xizmat qilish muddati qisqa — chidamliligi past.
Shu tariqa, yuqori sifatli materiallarni sotib olish to‘g‘ri qaror bo‘ladi — bir necha yilda bir marta takroriy ta’mirlashni amalga oshirishdan ko‘ra bir oz ko‘proq pul sarflang.
Qonunchilik jihatlari
Har doim loyihalanishga har qanday o‘zgarishlar kiritishda davlat organlari bilan muvofiqlashtiring.
Sizning harakatlaringiz qonuniy yoki yo‘qligini aniqlash uchun yurist bilan maslahatlashing.
Qonunga ko‘ra, siz kvartirangiz loyihalanishi bilan xohlagan ishlarni qila olmaysiz.
Eshik o‘rinlarini kengaytirish, vannani hojatxona bilan birlashtirish, devorlarni buzish va kvartiralarni bir-biri bilan birlashtirish kabi loyihalanishdagi o‘zgarishlar qonunda belgilangan tartibda davlat organlarining tomonidan muvofiqlashtirishni talab etadi.
Muvofiqlashtirilmagan qayta loyihalanish bo‘lsa, davlat uy-joy inspeksiyasi vakillari qo‘shnilarning shikoyati asosida sizning xonadoningizga tashrif buyurishi mumkin.
Muhandislik kommunikatsiyalariga ta’sir qiladigan har qanday ta’mirlash ishlari, masalan, gaz plitasini elektr plitasiga almashtirish, polni isitish tizimi, kvartirangizning santexnika jihozlarini ko‘chirish ham albatta muvofiqlashtirilishni talab etadi.
Shuningdek, ko‘p qavatli uylarda shovqin bilan bog‘liq ishlarni soat 8:00 dan oldin bajarish va uni 21:00 dan kechroq tugatish taqiqlanadi.
Perforatorning ishlashi yoki devorni buzishdan chiqadigan shovqin qo‘shnilarga noqulaylik tug‘dirishi mumkin.
Loyihalashtirish va dizayn: ijaraga beriladigan kvartirani ta’mirlash
Ijaraga beriladigan kvartira dizaynini yarating: agar siz kvartirani talabaga ijaraga berayotgan bo‘lsangiz, unga ish joyi kerak, yosh oila uchun — mehmonlarni qabul qilish uchun xona va yotoqxona lozim. Keng oshxona va bolalar xonasi — bolali oilalar uchun.
Kelajakdagi ijarachiga qarab, kvartiraning interyeri va funktsional maydonlarini rejalashtirishingiz, ularga pardoz, yoritish moslamalari va mebellarni bog‘lashingiz lozim.
Uzoq muddatli ijaraga beriladigan kvartirani ta’mirlashda siz rasmlar, divan yostiqlari va haykalchalarsiz yasatishingiz mumkin. Bu yerda uzoq vaqt yashaydigan ijarachilar kvartirani o‘z didiga ko‘ra bezab olishadi.
Qisqa muddatli ijara uchun beriladigan kvartirani ta’mirlashda hech qanday yangiliklar kiritmasdan bezatilishi mumkin. Bir juft poster va bir nechta rangli divan yostiqlari yetarli bo‘ladi.
Ijara uchun beriladigan kvartira dizaynida vazalar, shamdonlar yoki haykalchalar bilan bezashingiz kerak emas, birinchi navbatda, ular tozalashni qiyinlashtiradi hamda ijara narxi ham o‘zgarmaydi.
Eng optimal variant — zamonaviy interyer dizayni.
Maydonni rejalashtirish
To‘g‘ri rejalashtirish — mebelni to‘g‘ri joylashtirish, yetarli miqdordagi rozetkalar yoki yaxshi yoritish shinamlik yaratib, ijarachilarning qulayligiga ijobiy ta’sir qiladi.
Mebelni to‘g‘ri joylashtirish orqali funktsional maydonlarni yarating:
- mehmonxona;
- yotoqxona;
- ish joyi.
Bu interyerni vizual ravishda yaxshilaydi. Xonalardan foydalanish qulayroq bo‘ladi. Ovqatlanish stolini oshxonaning yoniga, divanni esa mehmoxonada qulay tarzda joylashtiring.
Loyihalanish kontseptsiyasini ishlab chiqish uchun vaqt ajratishingiz kerak.
To‘g‘ri zonalashtirish qulaylik va shinamlikni yaratishga yordam beradi, shuningdek, mavjud bo‘sh maydondan foydalanishni optimallashtiradi.
Ijaraga beriladigan kvartira interyerining dizayni
Ijaraga uchun beriladigan kvartira interyerining dizayni zamonaviy bo‘lishi lozim. Neytral ranglar deyarli barcha mijozlarga xush keladi. Yorqin aksent yoki original dizayn elementlari mavjud bo‘lsa, hamma ijarachilar ham bunday interyer yechimlarni tushuna olmaydi.
Ta’mirlash jarayonidagi muhim qadamlar
Ijara uchun beriladigan kvartirani ta’mirlashni rejalashtirayotganda, asosiy xarajatlarni ham, mavjud bo‘lgan yashirin xarajatlarni ham hisobga olish juda muhimdir.
Masalan, siz eskirgan qurilmaning buzish jarayonida topishingiz yoki materiallar narxining oshishi bilan bog‘liq muammolar bo‘lishi mumkin. Shuning uchun, o‘zingizni kutilmagan yoqimsiz sovg‘alardan himoya qilish uchun ushbu omillarni oldindan hisobga olish zarur.
Ko‘pgina ijaraga beruvchilar tajriba va ko‘nikmalarga ega bo‘lmagan holda, ta’mirlashni o‘zlari mustaqil ravishda amalga oshirib xato qilishadi.
Buzish va demontaj qilish
Shuni bilish kerakki, standartlarga muvofiq, nazorat qiluvchi organlarning ruxsatisiz yuk ko‘taruvchi tayanchlar va devorlarni buzish yoki ularning joylashuvini o‘zgartirish taqiqlanadi. Zarurat tug‘liganda ruxsatnomalarni olish shart.
Qurilmalarni buzish. G‘isht, gips, tosh yoki betondan yasalgan qismlarni demontaj qilish. Bunday holda, asosiy va yuk ko‘taruvchi qismlarni ushlab turuvchi vaqtinchalik tayanchlar o‘rnatilishi mumkin.
Demontajning boshlanishi. Eski pardoz, pol va dekorativ qoplamalarini, devorga o‘rnatilgan mebellarni, javonlar va boshqa tuzilmalarni olib tashlash.
Elektrotexnika ishlari
Bo‘lajak ijarachilar elektr probkalarining otilishi va yonib ketgan maishiy texnikadan azob chekishlariga yo‘l qo‘ymaslik uchun barcha elektr tizimlarini tekshirish va ta’mirlash kerak.
Elektr simlarini o‘tkazishda tejamkorlik qilmang — panelga yetarlicha avtomatlarni o‘rnatishingiz, sifatli kabellar o‘tkazishingiz, rozetkalar va viklyuchatellar o‘rnatishingiz va, albatta, tajribali elektrik ustasini yollashingiz kerak. Elektrikada tejash doimiy ravishda chiroqlarning xiralashishiga yoki hattoki yong‘inga olib kelishi ham mumkin.
Pardoz ishlari va mebellarni joylashtirsh
Kvartirani ta’mirlashni boshlaganingizda, birinchi navbatda, birlaamchi pardozni amalga oshirish kerak.
Kutilmagan suv toshqini yoki yonib ketgan elektr simlari bo‘lmasligi uchun barcha kommunikatsiyalarni ta’mirlash yoki to‘liq almashtirish kerak. Pollar notekis bo‘lsa, polni styajka qiling. Devorlarda shu muammo bo‘lsa, ularni tekislash orqali siz ikkilamchi pardoz uchun yaxshi poydevor yaratasiz.
Kvartiraning nam joylarini gidroizolyatsiya qilish haqida ham o‘ylash lozim. Bu yuqori qavatlardan keladigan suv toshqini bilan bog‘liq muammolarni oldini olishga yordam beradi. Birlamchi pardozlashni tugatgandan so‘ng, ikkilamchi pardozga o‘tamiz — kvartiraning yakuniy ta’miri. Ta’mirni, yuqorida aytilganidek, byudjet varianti amalga oshirilishi kerak. Juda qimmat bo‘lmagan materiallardan lekin mashhur brendlardan foydalanamiz. Ikkilamchi pardozda neytral ranglardan foydalaning.
Pol qoplamasi: linoleum, laminat. Devorlarni bo‘yash yoki devor qog‘ozini yopishtirish kerak — bunday sirtlarni yangilash oson va arzon bo‘ladi. Tortiluvchan shiftni o‘rnatish — oddiy va arzon variant. Bu uzoq vaqtga yetadi hamda chiroyli ko‘rinadi. Yaltiramaydigan “matoviy” tortiluvchan shiftlarni tanlang — universal va neytral variant hisoblanadi.
Ijaraga beriladigan kvartirani ta’mirlashning oxirgi bosqichiga o‘tamiz — mebelni joylashtirish. Mebelning joylashuvi yashash maydoni qanday ko‘rinishga ega bo‘lishini ko‘rsatadi. Odatda, ko‘plab ijarachilar uy-joyni tayyor mebel va jihozlar bilan ijaraga olishadi.
Ijara kvartirasining tayyor ko‘rinishi tezlik bilan o‘zining potentsial ijarachilarini topadi. Buning uchun esa kvartirani zaruriy minimum bilan ta’minlash lozim:
- oshxona garnituri;
- krovat — bir yoki bir nechta;
- kiyim javoni;
- ovqatlanish stoli;
- kitob javoni.
Qimmat bo‘lmagan mebel sotib oling — uni tezda ta’mirlash yoki almashtirish mumkin.
Optimal variant silliq yuzalar bo‘ladi, masalan, oshxona devorlari, yumshoq mebellarning olinadigan qoplamalari, muzlatgich sirtidagi himoya qoplamasi.
Detallrga e’tibor va sifat nazorati
Ta’mirlash ishlari ketayotganda uning butun jarayonini tekshirib boorish lozim — birlamchi pardozdan, quvurlarni yotqizish va elektr ta’minotini o‘tkazish, qurilmalarni montaj, demontaj qilish yoki buzish, ikkilamchi pardozgacha.
O‘rnatilgan santexnika jihozlarini to‘g‘ri ishlashi va suv sirkib chiqmasliginin yaxshilab tekshiring. Bu elektrikaga ham taaluqlidir — rozetkalarni, viklyuchatellarni va, albatta, elektr shkafini tekshiring. Pol qoplamasi va devor qog‘ozi tutashgan joylarini qarab chiqamiz, devorlarning burchaklarini tekshirishni unutmaymiz.
Agar nuqsonlar mavjud bo‘lsa, pudratchi kamchiliklarni bartaraf etishi zarur.
Yakunlash va ijaraga tayyorlash
Shunday qilib, siz ijaraga beriladigan kvartira ta’mirini tugatdingiz. Siz qimmat bo‘lmagan lekin chidamli materiallardan, mebellardan, jihozlardan foydalandingiz.
Ta’mirlash vaqtida ijaraga beriladigan kvartira ta’mirida lakonik dizaynidan foydalandingiz — shift, devor va pol neytral ranglarda. Sanuzelda yaxshi santexnika to‘plamini o‘rnatdingiz. Qandil va yoritgichlar xonalarning rangiga mos ravishda tanlangan. Mebel yorqin bezalkarsiz pardalar bilan hamohang.
Sizning kvartirangiz ijara uchun berilishga tayyor, e’lon joylashtirishingiz mumkin, lekin siz uy-joyni yaxshi fotosuratlarini olishingiz lozim, bu borada esa bizning Sotish uchun ko‘chmas mulkni qanday qilib to‘g‘ri suratga olish kerak nomli maqolamiz sizga yordam beradi.
Qanday qilib ko‘chmas mulkni to‘g‘ri ijaraga olish yoki berish mumkin
Qanday qilib kvartirani ijaraga berib, bundan afsuslanmaslik mumkin
Realt24 jamoasiBizning ekspertlarimiz iqtisodiyot, moliya va bank ishi sohalarida magistr darajalariga ega va ko’chmas mulk va moliya bozorida 30 yildan ortiq tajribaga ega.
