Ijaraga olingan kvartirada hasharotlar paydo bo‘lsa, nima qilish kerak?

Kvartirada hasharotlar — yer yuzidagi deyarli har bir inson bunday vaziyatga duch kelgan. Hasharotlarning bostirib kelishi inson salomatligiga tahdid solishi mumkin — kasalliklar, chaqishlar, psixologik travma. Suvaraklar, pashshalar, chivinlar va hatto chumolilar kasallik tashuvchilar hisoblanadi. Arilar, chayonlar va ba’zi o‘rgimchaklarning chaqishi hayot uchun xavfli bo‘lishi mumkin. Bundan tashqari bor ba’zi odamlarda hasharotlarga nisbatan fobiya mavjud. Misol uchun, termitlar kabi hasharotlar odamlarning uy-joylariga zarar yetkazishi mumkin. Hasharotlarning kvartiraga, uy oldi va bog‘ hududlariga kirishiga va ko‘payishiga yo‘l qo‘ymaslik uchun ulardan himoyalanishni ta’minlash lozim. Bular kukun, bo‘r, aerozollar ko‘rinishidagi har xil turdagi kimyoviy moddalar yoki ultratovushli moslamalardir. Ammo, shu bilan birga, kvartirada va uy oldi hududda hasharotlarga qarshi kurash insonning o‘zi va uy hayvonlarining sog‘lig‘iga zarar yetkazmasligi kerak.

Ijaraga olingan kvartirada hasharotlar paydo bo‘lishiga nima sabab bo‘lishi mumkin?

Ijaraga olingan kvartirada hasharotlar paydo bo‘lishining sababi, masalan, yuvilmagan idishlar, stol yoki poldagi ushoqlar bo‘lishi mumkin. Bundan tashqari, "chaqirilmagan mehmonlar" tasodifan sumkaga yoki kiyimga tushishi oqibatida uyga kelib qolishi mumkin. Qo‘shningizning uyidagi zararkunandalarga qarshi kurash — dezinseksiya ham sizning xonadoningizda hasharotlar paydo bo‘lishining sababidir. Sizning kvartirangizda qo‘ng‘izlar bormi? Don-dun mahsulotlarini sotib olayotganda e’tibor bering, ba’zida ular hasharotlar va kapalaklar bilan kasallangan bo‘lishi mumkin va keyinchalik ko‘payib, oziq-ovqat zaxirasiga zarar yetkazadi.

Qishda kvartirada hasharotlarning paydo bo‘lishi: kvartirani sotib olayotganda yoki ijaraga olayotganda, eski mebellarni — krovat, divan va kreslolarni, shkaflarni albatta sinchkovlab tekshirib ko‘ring, ular suvarak, kuya kapalagi yoki qandalalarni ini bo‘lishi mumkin.

Kvartirada hasharotlar ko‘pincha qayerda paydo bo‘ladi?

Hasharotlar asosan oziq-ovqat mahsulotlari oldida yashaydi — qolib ketgan taom, yuvilmagan idishlar. Misol uchun, suvarak va chumolilar oshxonada yashashni xush ko‘rishadi. Pol va plintus yoriqlari ular uchun uya bo‘ladi. Oshxona mebellari orqasida yoki shiftda suvaraklar va passhshalarga ov qiluvchi yashirinib olgan o‘rgimchaklarni ham uchratishingiz mumkin.

Jun yoki tabiiy mo‘ynadan tayyorlangan kiyimlar saqlanadigan shkaflarda kuya yashaydigan maskandir. Kvartiradagi uchadigan hasharotlar, ayniqsa, chivinlar uchun, tuxum qo‘yishi mumkin bo‘lgan turib qolgan ko‘lmak zarur. Matras va divanlar to‘shak qandalasi ko‘payadigan joydir.

Ko‘pgina hasharotlar kvartiralarga quyidagilar orqali kiradi:

derazalar, eshiklar va ularning yoriqlari;
devordagi yoriqlar;
ventilatsiya tizimi;
rozetkalar;
oziq-ovqat mahsulotlari — don, un, meva va sabzavotlar.

Siz yoki sizning sevimli uy hayvoningiz, ayniqsa bahorda, kvartirangizda mayda kana va burga paydo bo‘lishiga sababchi bo‘lishingiz mumkin.

Kvartiradagi hasharotlarni mustaqil ravishda yo‘q qilishga urinib ko‘rish yoki mulk egasiga murojaat etish?

Ko‘pgina hollarda, agar ijara shartnomasini tuzishda mulk egasi tomonidan zararsizlantirish to‘g‘risidagi band muhokama qilinmagan bo‘lsa, xalq vositalari va kimyoviy vositalardan foydalangan holda bu ishni o‘zingiz amalga oshirishingiz mumkin. Eng muhimi, ulardan maqsadli foydalanish va qoidalarga rioya qilishdir. Oldini olish uchun yengil dezinfeksiya/dezinseksiya o‘tkazing.

Qanday qilib, mustaqil ravishda turli hasharotlarni yo‘qotish mumkin

Kvartiradagi hasharotlar bilan kurashishni mustaqil ravishda ham amalga oshirsa bo‘ladi. Xonadon ichida uchadigan va yerda yuradigan zararkunandalar bo‘lmasligi uchun turli xil xalq vositalari va kimyoviy vositalardan foydalanish mumkin. Kimyoviy moddalar qo‘llanilayotganda juda ehtiyot bo‘lish zarur, uni haddan tashqari ko‘p ishlatib yuborish mumkin emas. Agar kimyoviy vosita hasharotlarni o‘ldirsa, u uyda yashovchilarga — o‘zingizga, uy hayvonlaringizga ham zarar yetkazishi mumkin.

Kvartirangizdagi hasharotlardan qutulish uchun xalq yoki tabiiy vositalardan foydalaning.

Hasharotlar soni kam bo‘lsa, muammoni haydovchi vositalar bilan hal qilish mumkin — efir moylari va o‘tlar sizga yordamga keladi. Lavanda ko‘plab hasharotlarga qarshi universal vosita bo‘lib, chinnigul va vanil chivinlarga qarshi ishlatiladi, yalpiz, evkalipt yoki rayhon pashshaklarni haydaydi.

Kvartirada chumolilardan qanday qutulish mumkin? Chumolilarga qarshi dolchin, shuvoq va qarag‘ay moylarini ishlatish mumkin.

Masalan, yuqumli kasalliklar tashuvchisi bo‘lgan suvaraklarga qarshi sog‘ligingiz uchun xavfsiz, arzon va oddiy usul mavjud: piyozni mayda to‘g‘rab, 1 osh qoshiq soda qo‘shiladi. Tayyor aralashmani kvartiraning burchaklariga sepiladi. Ushbu tartibni har kuni takrorlash ijobiy natija beradi — sizning kvartirangizdan suvaraklar daf bo‘ladi.

Agar tanangizda kana topilsa, uni oddiy salat yog‘i yoki efir moyi yordamida olib tashlashingiz mumkin. Hasharotni ustida ozgina moy quying, havo etishmasligidan bo‘g‘ilib, u chiqib ketadi yoki moy quyishdan keyin uni ehtiyotkorlik bilan pinset bilan olib tashlang. Xalq vositasi retsepti: 20 tomchi yorongul (geran) efir moyi, 10 tomchi xushbo‘y zubrovka moyi, 5 tomchi lavanda moyi, 5 tomchi limon moyi, 1 osh qoshiq tibbiyot spirti. Keyin 100 ml suv / sirka qo‘shib, purkatgichli idishga quying. Ishlatishdan oldin yaxshilab silkiting va sayrga chiqishdan oldin kiyimingizga seping.

Kvartirada burgalar

Mayda, chaqqon va tajovuzkor hasharotlar xonadonning barcha yashovchilarini chaqib, ularga tinchlik bermaydi. Kvartirada burgalarning asosiy manbai itlar va mushuklardir. Ba’zida bu kabi muammolarga ikkilamchi bozor ko‘chmas mulki ijarachilari ro‘baro bo‘lishadi, sababi, avvalgi ijarachilarning uy hayvonlari mavjud bo‘lganligi. Bundan tashqari, burgani ko‘chadan kiyimingizda olib kelishingiz mumkin.

Kvartiradan burgalarni qanday yo‘qotish mumkin va ular bilan qanday kurashish kerak? Eng samarali vosita — ularning paydo bo‘lishining oldini olish, sayrdan oldin uy hayvonlariga repellent va maxsus bo‘yinbog‘larni ishlatish. Kvartirada burgalar bilan qanday kurashish mumkin? Asosiy vosita — “Dixlofos”dir. Barcha xonalar va devorlarning pollarini 50–60 sm balandlik darajasida ishlov bering. Shundan so‘ng, barcha deraza va fortochkalani berkitib, kvartirani tark eting. Natijadan kelib chiqib, protsedurani takrorlashingiz mumkin.

Suvaraklar

Suvaraklar — xonadonlarda yashaydigan eng yashovchan hasharotlardir. Qolib ketgan oziq-ovqat, yuvilmagan idish-tovoqlar va organik chiqindilar ularni o‘ziga jalb qiladi. Ko‘payib, ular kvartiradagi deyarli barcha oziq-ovqat mahsulotlariga hujum qilishadi. Aksariyat aholi o‘z kvartirasida suvaraklarni abadiy yo‘q qilish uchun hamma narsaga tayyordirlar. Qo‘shnilar tomonidan amalga oshirilgan ta’mirlash yoki dezinfeksiya ham “mo‘ylovli mehmonlarni” ko‘chib o‘tish sabablaridan biridir.

Xo‘sh, suvaraklar bilan qanday kurashish kerak?

Suvaraklarning kimyoviy moddalarga tez moslashishi ulardan xalos bo‘lishda muammo tug‘diradi — zararkunandalarga qarshi vositalarni takroran ishlatish bir muncha vaqt o‘tgach samarasiz bo‘lib qolishi mumkin.

Ularni yo‘q qilishda vaqt sinovidan o‘tgan usuldan foydalanishingiz mumkin — borat kislotasi. Qaynatilgan tuxum sarig‘i bilan aralashtirilgan kislotadan diametri 8–10 mm gacha bo‘lgan kichik to‘plar yasalib, quritiladi va suvaraklar yashaydigan joylarga qo‘yiladi.

Qandalalari

Gepatit va sil kasalliklarini tashuvchi bu qon so‘ruvchi parazitlar odamni kechasi bilan chaqib, to‘liq uyqudan mahrum qiladi. Agar siz ushbu hasharotlardan birini ko‘rib qolsangiz, ko‘rpa-to‘shak, matras, krovat, divanlarni, plintus tirkishlarini sinchkovlik bilan ko‘zdan kechirishingiz kerak va dezinseksiyani boshlash orqali tezda kvartiradan qandalalarni yo‘qotishni amalga oshirishingiz zarur, chunki ular tez ko‘payadi.

Ular uyga qayerdan paydo bo‘ladi? Qandalalrning paydo bo‘lishining quyidagi manbalari:

qo‘shni kvartiralar;
uy hayvonlari;
sotib olingan mebel, maishiy texnika;
to‘shak qandalasi insonning kiyimida xonadonga kirib kelishi mumkin.

Qanday qilib kvartiradagi qandalalardan qutulish mumkin? Eng oson va samarali usul — bu professional dezinsektorlarga murojaat qilishdir. Tajribali mutaxassislar to‘shak qandalalarini kafolat bilan yo‘q qiladilar. Agar mutaxassisni chaqirishning imkoni bo‘lmasa, “Klopomor” kabi toksik vositalardan foydalaning.

Bu muhim! Kimyoviy vositalarni qo‘llasdan oldin yo‘riqnomani diqqatlik bilan o‘qing.

Qo‘ng‘izlar

Kvartirada qo‘ng‘izlar paydo bo‘ldimi? Don va un saqlanadigan javonlarni tekshiring. Deyarli barcha xonadonda guruch saqlanadi. Guruchda turli xil qo‘ng‘izlarni topishingiz mumkin. Eng keng tarqalgan turlari — uzuntumshuq qo‘ng‘izlardir. Bu guruchni xush ko‘ruvchi zararkunandalar, ularning qurtlari likopchadagi ovqatda topilmaguncha yoki ularning soni juda ko‘p bo‘lib ketganda, inson ko‘zidan yashirinishlari mumkin. Qo‘ng‘izlarning o‘lchami 3–5 mm gacha. Ularning tana shakli donlarning ichiga oson kirib borish imkonini beradi. Tuxumlarini donlar ichiga qo‘yadilar. Qurt butun donni ichkaridan kemirib, keying donga o‘tadi. Zararlangan don-dunlar oziqa uchun yaroqsiz holatga keladi.

Kanalar

Kvartirada kanalar, nima qilishim kerak? Bu kasallik tashuvchilari nafaqat uy hayvonlari, balki insonlarni ham chaqib azoblaydi. Kanalar o‘t-o‘lan va butalarda yashaydi va u yerda ko‘payadi. Ular o‘tloqlarda, dalalar va chorva boqiladigan xonalarda tuxum qo‘yadi. Shu sababli, ochiq xavoda sayr qilgandan so‘ng, ayniqsa o‘t-o‘lan bor joyda, o‘zingizni va uy hayvonlaringizni — it yoki mushukni sinchkovlik bilan tekshiring. Ko‘chaga chiqishdan oldin esa, repellentdan foydalaning.

Chumolilar

Chumolilarni kvartiradan qanday yo‘qotish mumkin? Chumolilar foydali hasharotlardir, lekin ba’zida ular sizning kvartirangizga kirganda, butun boshli koloniyani yaratishga kirishadilar. Sizning oshxonangiz ularning xo‘jayinchilik qiladigan mulkiga aylanadi. Avvaliga yerdagi non va boshqa ushoqlarni yig‘ib, so‘ng stolga ko‘tariladilar. Keyinchalik, koloniya kengayib, uning hayotiy faoliyatini saqlab qolish uchun shakar, murabbo va asal saqlanadigan javonlarga kira boshlaydilar.

Kvartirada chumolilar, nima qilishim kerak?

Eng oddiy yechim — bu uyasini topish va kimyoviy moddalarni qo‘llash. Chumolini ko‘rishingiz bilan darhol harakat qilishni boshlang.

Maxsus xizmatni chaqirish zarurmi?

Kvartirangizdagi hasharotlardan qutulish uchun maxsus xizmatni qachon chaqirish mumkin:

mustaqil ravishda hasharotlardan qutulolmasangiz va zararkunandalar juda ko‘payib ketganda;
to‘shak qandalalari aniqlanganda, mutaxassislar yordami kerak bo‘ladi;
burgalar — kasalliklar tashuvchisi;
chayonlar va zaharli ekanligiga shubha bo‘lsa o‘rgimchaklar;
kvartiradagi uchadigan hasharotlar — ari va qovoqarilar: katta koloniya juda xavflidir;
suvaraklar.

Avvalo, kvartirangizda hasharotlar bilan kurashayotganda, ikki marta to‘lamaslik uchun ishonchli dezinsektorlarni chaqiring. Professional ishlov berishdan oldin barcha idishlarni va kiyimlarni ustini qoplash kerak. Tozalash jarayoni davomida insonlar va uy hayvonlari xonadonda qolmasligi zarur. Dezinseksiya ishlaridan so‘ng umumiy tozalashni amalga oshirish lozim.

Hasharotlarga qarshi kurash vositalarininig sifatini qanday aniqlash mumkin?

Hozirda kvartiradaga hasharotlar qarshi vositalar turi juda ko‘pdir. Siz do‘stlaringiz yoki qo‘shnilaringizdan sifatli kimyoviy moddalar haqida so‘rashingiz yoki Internetda aerozol, gel va bo‘rlar haqida sharhlarni o‘qishingiz mumkin. “Dixlofos” va “Raid” hali ham mashhur vositalar sanaladi. Ishlatishdan oldin yo‘riqnomalarni o‘qib chiqing, chunki hasharotlarni o‘ldiradigan kimyoviy moddalar insonlar va uy hayvonlari uchun ham zararlidir.

Yana bir nechta universal maslahatlar?

Kvartiraga ko‘chib o‘tishdan oldingi ko‘rikda, qishda ham kvartirada hasharotlar mavjudligini tekshiring. Parazitni aniqlaganingizdan so‘ng, darhol uyasini topish choralarini ko‘ring — devor, pol va plintuslar, mebel, maishiy texnika, sanuzel, rozetkalardagi tirkish va yoriqlarni tekshiring. Xalq vositalaridan foydalaning yoki zararkunandalarga qarshi vositani sotib oling. Kvartira ishlov berilganidan so‘ng, xonalarda tartib va tozalikni saqlang, ayniqsa oshxonada — idish-tovoqlar va stolda qolgan ovqat qoldiqlari kelajakda hasharotlar paydo bo‘lishiga olib kelishi mumkin.