O‘zbekistondagi tijoriy ko‘chmas mulk — Realt24.uz

Realt24.uz — O‘zbekistondagi tijoriy ko‘chmas mulkining eng keng ma’lumotlar bazasi. Qulay qidiruv tizimi tufayli kompaniyalar va tadbirkorlar bino yoki maydonlarni tanlab, vositachilarsiz xarid qilishlari yoki ijaraga olishlari mumkin. Mulk egalari bu yerda ko‘chmas mulkni sotish yoki ijaraga berish bo‘yicha e’lonlarni joylashtirish imkoniyatiga ega.

Tijoriy ko‘chmas mulkning turlari

Bizning saytda siz tadbirkorlik faoliyatining har qanday turi bilan shug‘ullanishingiz uchun osonlik bilan joyni tanlashingiz mumkin — savdo, har xil turdagi xizmatlarni ko‘rsatish, mahsulot ishlab chiqarish va saqlash. Realt24.uz da yangi bino va eski binolarda tijoriy ko‘chmas mulk, quruvchi tashkilot, mulk egasi yoki agentlikdan obyektlar bo‘yicha takliflar taqdim etilgan.

Saytimizdagi e’lonlarda foydalanuvchilar ko‘plab variantlarni topadilar:

• ofis ko‘chmas mulki;

• savdo-sotiq maydonlari;

• umumiy ovqatlanish korxonasini joylashtirish uchun obyektlar: kafe, bar, restoran;

• omborxonalar;

• ishlab chiqarish maydonlari va binolari;

• tijoriy yerlar;

• tayyor biznes.

Tijoriy ko‘chmas mulkining tavsiflarida obyekt haqida asosiy ma’lumotlarni beriladi, ba’zi hollarda siz haqiqiy fotosuratlar va videolarni ko‘rishingiz mumkin. Tafsilotlarni aniqlashtirish, sizni qiziqtirayotgan savollarni berish va ko‘rishni tashkil qilish uchun sotuvchi yoki ijaraga beruvchi bilan e’londa ko‘rsatilgan aloqa ma’limotlari yoki portaldagi shaxsiy xabarlar orqali bog‘lanishingiz kerak.

O‘zbekistondagi tijoriy ko‘chmas mulk: tendensiyalar va narxlar

So‘nggi paytlarda ofis ko‘chmas mulk bozorida premium-klass maydonlari sonining ko‘payishi tendentsiyasi kuzatilmoqda. Ushbu segment asosan mahalliy yirik korxonalar va xalqaro kompaniyalarga mo‘ljallangan. Mutaxassislarning prognoziga ko‘ra, sifatli takliflar sonining ko‘payishi vaqt o‘tishi bilan ijarachilar va xaridorlar tomonidan maydonlarga nisbatan qat’iy talablarga va shunga mos ravishda mavjud variantlarni qayta rivojlantirish va toifasini ko‘tarishga olib keladi.

Savdo-sotiq ko‘chmas mulkiga nazar tashlansa, bozor rivojlanish bosqichida, talabning an’anaviy bozorlardan savdo markazlariga asta-sekin siljishi kuzatilmoqda. MDHning boshqa mamlakatlarida bo‘lgani kabi O‘zbekistonda ham omborlarga bo‘lgan talabning yuqoriligi ushbu turdagi obyektlarning keskin tanqisligiga olib keldi.

Ko‘chmas mulkni ijarasi va sotish narxi quyidagilarga bog‘liq:

• uning turiga;

• joylashuviga — viloyat, aholi punkti va transport yechimi;

• maydoniga;

• binoning turi, toifasi va qurilgan yiliga;

• ishlab chiqarish uchun uskunalar yoki tadbirkorlik faoliyatining boshqa turi uchun moslamalar mavjudligiga.

Quruvchi tashkilotdan tijoriy ko‘chmas mulkini sotib olayotganda, bo‘lib to‘lash va ipoteka variantlari mavjuddir. Bunday hollarda to‘lash shartlari va tartibi jismoniy shaxslar tomonidan to‘lanadigan to‘lovlardan farq qilmaydi. 

Biznes yuritish uchun noturar joy maydonlari fondi

Qonun tadbirkorlik faoliyatini faqat noturar obyektlarda, shu jumladan ofislar, kafelar, go‘zallik salonlari yoki do‘konlar uchun ajratilgan turar-joy majmualarining birinchi qavatlarida amalga oshirishga ruxsat beradi. Xuddi shunday talab ijarachilar — tadbirkorlik subyektlari bilan shartnomalar tuzishda ham qo‘llaniladi.

Xususiy uy yoki ko‘p qavatli uydagi kvartirani (agar u birinchi qavatda bo‘lsa va alohida kirishni tashkil qilish imkoniyati mavjud bo‘lsa) ofisga, sartaroshxonaga, manikyur saloniga yoki stomatologiya kabinetiga aylantirilishi mumkin. Buni amalga oshirish uchun, birinchi navbatda, obyektni turar joy fondidan noturar joy fondiga o‘tkazish lozim. Ruxsatnoma olish uchun ariza Yagona davlat xizmatlari portaliga taqdim etiladi. Arizani ko‘rib chiqish uchun to‘lov qilinadi va uning miqdori hududga bog‘liq. 

Realt24.uz saytida tijoriy ko‘chmas mulkni qidirish

Bizning saytimizda yangi bino yoki ikkilamchida tijoriy ko‘chmas mulkni tanlash uchun quyidagi bir nechta bosqichlarni amalga oshirish lozim:

• viloyat, shahar, bitim turini “Sotib olish” yoki “Ijaraga olish”ni ko‘rsatish;

• “Tijoriy” bo‘limini ochish;

• bir yoki bir nechta turdagi obyektlarni tanlash;

• maydon parametrlarini va narx diapazonini kiritish;

• “Topish” tugmasini bosish.

Ro‘yxatdagi takliflar bilan tanishib chiqib, siz eng mos variantlarni tanlashingiz mumkin, so‘ngra bitimning jihatlari va shartlarini muhokama qilish uchun bevosita sotuvchi, ijaraga beruvchi yoki rieltor bilan bog‘lanishingiz mumkin.