Qanday qilib mos qandilni tanlash kerak?

Yorug‘lik hayot uchun asosiy manbalardan biri hisoblanadi. Yoritish katta ahamiyatga ega: to‘g‘ri tanlangan va o‘rnatilgan yoritish moslamalari yashash maydonida shinamlikni, ofis maydonida esa samarali ishl uchun qulay sharoitlarni yaratadi. Ixcham dizaynda tanlangan yoritish moslamasi zamonaviy interyerga jozibadorlik bag‘ishlaydi. Yoritish moslamalarining eng mashhur turi — bu qandildir. U juda ko‘p afzalliklarga ega bo‘lib, o‘zining dizayni va turli xil shakllari bilan ajralib turishi mumkin. Qanday qilib mos qandilni tanlash kerak va nimaga e’tibor berish lozim? Ushbu maqolada biz qandilni tanlash xususiyatlari haqida gaplashamiz.

Xonaga uyg‘un tarzda mos keladigan qandilni qanday qilib tanlash lozim, uni tanlashda nafaqat tashqi ko‘rinishini, balki boshqa xususiyatlarini ham inobatga olish zaruru. Yoritgichni xarid qilayotganda quyidagilarga e’tibor beramiz:

• dizayn;
• yoritish quvvati;
• o‘lchamlari.

Shift turiga qarab tanlash mezonlari: tortiluvchan shift uchun qandilni qanday tanlash kerak

Ko‘p joylarda amaliy jihatdan yaxshi shift ichkarisiga joylanuvchi yoritgichlar o‘rnatilmoqda, ammo ularni qandillar bilan taqqos bo‘lmaydi. Qandil alohida element sifatida xonaning dizayniga to‘liqlik beradi. Turli xil materiallardan yasalgan modellar va ularning xilma-xilligi mebel, devor va shift pardoziga moslashtirishga imkon beradi.

Qandilni qanday qilib tanlashning asosiy mezonlari xonaning o‘lchami, shiftning turi va balandligi. Qandil xona interyerida bosh obyekt bo‘lmasligi yoki ko‘rinmay qolmasligi kerak.

Konstruksiyasi bo‘yicha ular ikki guruhga bo‘linadi — osma va shiftga mahkamlanuvchi. Osma turi sim yoki zanjirning ilgakiga o‘rnatiladi. Bu tur tortiluvcha shiftlarga mos keladi, lekin qandil shoxlari pastga yo‘nalgan bo‘lishi lozim. Ushbu yoritgichlar bir plafonli va ko‘p pog‘onali bo‘ladi. Shiftga mahkamlanuvchilari oddiy shiftlarga ko‘proq to‘g‘ri keladi. Ular maxsus plankaga,bevosita shiftga o‘rnatiladi. Bir plafonli va bir nechta plafonli turlari mavjud.

Yodda tuting, silliq va yaltiroq shift uchun yoyilgan yorug‘lik zarur. Plafonsiz lampochkalar shiftdagi yorug‘lik nurlarini aks ettirishi mumkin.

Oddiy shift

Oddiy shift eng keng tarqalgan tur hisoblanib, tekis yuzaga ega bo‘ladi. Materiallar: beton, gipsokarton, yog‘och. Ushbu shift uchun har xil turdagi qandillardan foydalanish mumkin — shiftga mahkamlanuvchi, osmalar. Bundan tashqari, bu kabi shift ta’mirlash uchun qulay va katta xarajatlarni talab qilmaydi.

Tortiluvcham shiftlar

Ushbu turdagi shift tez o‘rnatilishi tufayli mashhur bo‘lgan — karkas va PVX matosi. Shift matosining rangi va naqshini o‘zingiz didingizga mos ravishda tanlab olishingiz mumkin. Bu oddiy, ko‘p rangli yoki manzaralar, bulutli osmon va boshqalar tushirilgan bo‘lishi mumkin. Ammo bu turdagi shiftning kamchiliklari ham mavjud:

• narxining qimmatligi;
• birlamchi pardozli shift va tortiluvchan shift o‘rasida havo bosim to‘planadi — mato bo‘rtib chiqishi yoki ichkariga kirishi mumkin;
• PVXning mo‘rtligi;
• yoritish quvvati va modellarining cheklanganligi.

PVX plyonkasi issiqlik ta’siriga sezgirdir. 80 darajali haroratda deformatsiya bo‘ladi, rangi o‘zgaradi. Qaysi qandilni stretch shifti uchun tanlash mumkin? — albatta, plafonlari pastga qaragan osma qandilni. 

Xonaga qarab qandilni tanlash: xonaning o‘lchamlariga ko‘ra qandilni qanday tanlash kerak

Qandilni tanlashda siz xonaning kvadrat metriga va turiga e’tibor berishingiz lozim. Juda kichik yoritgich ko‘rinmas bo‘lib qoladi va juda yirik variant interyerni bo‘g‘adi. Yorqin nurli qandildan mehmonxonada, yorqinligi pastrog‘i kabinetda foydalanish mumkin. Bundan tashqari, past shiftli xonalarga katta hajmli va dabdabali qandillarni xarid qilmaslik kerak. Qandil shift balandligi va materiali, xonaning turidan kelib chiqib tanlanadi.

Poldan qandilning uchigacha bo‘lgan eng kam masofa 2 m bo‘lishi lozim. 

Yotoqxona

Yotoqxonadagi yorug‘lik bo‘g‘iqroq va yumshoq bo‘lishi kerak. Xo‘sh, yotoqxona uchun qaysi qandilni tanlash kerak? Xira shisha yoki billurli qandilni tanlash yaxshi variant bo‘ladi. Ko‘pinca, yotoqxonaning o‘lchamlari kichik bo‘ladi. Shu sababli, yorug‘likni yoyadigan xonaning rangiga mos keladigan kam sonli lampochka va abajurli ixcham yoritgichmi tanlash maqsadga muvofiqdir.

Bundan tashqari, turli xil ish rejimoda ishlaydigan qandilni o‘rnatish mumkin: yorqin, o‘rtacha, yulduzli osmon, tungi. Rejimlar masofadan boshqarish pulti yoki mobil ilova yordamida smartfon orqali boshqariladi (qulaylik qo‘shadi).

Mehmonxona

Mehmonxonaga qandilni qanday tanlash mumkin? Mehmonxonaga mos qandil — iliq va yorqin nurli klassik o‘lchami katta qandil. Bayram va tantanalarda u mehmonlarning ham, xonadon a’zolarining ham ko‘zlarini quvontiradi. Katta qandilni tanlashda sozlash imkoni bor variantlar universal yechim bo‘ladi. 

Bolalar xonasi: bolalar xonasiga qanday qandilni tanlash lozim

Bolalar xonasi uchun qandilning rangini qanday tanlash mumkin? Farzandlaringizni xursand qilish uchun bolalar xonasiga yorqin va ko‘p rangli, qiziqarli dizayndagi yoritgichlar mos keladi.

Bu muhim! Bolalar xonasi uchun mustahkam materialdan ishlangan qandilni tanlash yaxshi — bolalar uni buzmasliklari va parchalar bilan jarohat olmasliklari uchun.

Oshxona

Oshxona uchun qandilni qanday tanlash mumkin? Ko‘plab uy bekalarining savolidan biridir. Oshxona uchun amaliy jihatdan qulay variantlarni tanlaymiz — shisha va metall qandillarni tozalikda tutmoq oson. Agar yog‘ochli qandilni o‘rnatmoqchi bo‘lsangiz, kir to‘planmasligi uchun lak bilan qoplangan bo‘lishi kerak. Tunukalangan variant bo‘lsa mastika bilan qoplangan bo‘lishi lozim. Oshxonada kombinatsiya qilingan yoritishni ham yaratishingiz mumkin — oshxonaning ovqatlanish joyi qandil bilan yoritilgan bo‘lsa, pechka, idish-tovoq yuvish mashinasi, rakovina va javonlar qatori alohida yorug‘lik diodlari bilan yoritiladi.

Shaxsiy kabinet

Kichkina xona uchun qandilni qanday tanlash mumkin, masalan, kabinetga? Kabinetlarda shiftdagi yorug‘lik emas, balki lokal yoritish ustuvor bo‘lishiga qaramay, masalan, stol yoritgichi, qandil xonaning o‘lchami, dizayni va ishlatilishiga qarab tanlanishi mumkin. Misol uchun, ish bo‘yicha uchrashuvlarga bir maromdagi va tarqoq yoritishni yaratish kerak.

Yana qanday mezonlar qandilni tanlashga ta’sir qilishi mumkin:

Tanlash jarayonida, birinchi navbatda, qandillarning dizayniga qarash kerak. Interyer uchun qandilni qanday tanlash mumkin? Model interyerga mos kelishi zarur — minimalizm yoki geometrik uslubdagi yoritish moslamasi klassik uslubda bezatilgan xonada bo‘lishi noo‘rindir. Ammo, ba’zida qoidalarni buzish ham mumkin, biroq hamma dizaynerlar ham bu ishni amalga oshira olmaydi.

Xonaga mos keladigan qandilni qanday tanlash bo‘yicha bir nechta mezonlarni ko‘rib chiqamiz. Xona dizaynini hisobga olib tanlaymiz:

• Mahsulotning rangi muhim rol o‘ynaydi — xonaning ohangiga mos keladigan ko‘zga tashlanmaydigan va ayni bejirim qandil bilan yorqin interyer yaxshi ko‘rinadi. To‘q rangli plafonlar yorug‘likni xiralashtiradi, shuning uchun kichik o‘lchamli xonalar yorug‘lik yetishmasligi tufayli vizual ravishda kichikroq bo‘lib qolishlari mumkin.
• Tur. Gul shaklidagi, geometrik, sharsimon, kaskadli, assimetrik. Yoritgichlar bilan qandil jamlanmasini sotib olayotganda, ularning uslubi bir xil bo‘lishi lozim.
• Mebelning shakliga ko‘ra. Agar zaldagi mebel aniq va o‘tkir shakllarga ega bo‘lsa, bir xil shaklldagi yoritgichni tanlaymiz.
• O‘lchami. Diametri, balandligi, plafonlar soni kabi parametrlarni inobatga olish lozim. Xona katta bo‘lsa, kattaroq qandilni tanlaymiz.

Hozirgi vaqtda qandilning roli dekorativ bo‘lib bormoqda. Biroq, qo‘shimcha yorug‘lik manbalariga qaramasdan, bular, devor yoritgichlari, markaziy element sifatidagi qandil, interyer ohangini beradi, va shu bilan birga o‘zining asosiy maqsadini bajaradi.

Standart xonalar uchun quyidagi umumiy quvvatlar mos keladi:

• hammom – 4-6 kv. m – 80-100 Vt;
• oshxona – 7-10 kv. m – 120-150 Vt;
• mehmonxona yoki zal – 15 kv. m – 200-300 Vt;
• yotoqxona – 6-9 kv.m. – 100 Vt.

Lyustra turi

Xona uchun qandilni qanday tanlash kerak, uning turi — bu yangi ta’mirlash, uy to‘yi yoki mebelingizni yangilashni xohlaganingizda paydo bo‘ladigan savol. 2 turdagi qandillar mavjud — osma va shiftga mahkamlanuvchi. Har bir konstruktsiya o‘zining ijobiy va salbiy tomonlariga ega. Osma turi sim, zanjir yoki ilgakka mahkamlanadi. Shiftlar yetarlicha baland bo‘lsa, ular ancha chiroyli ko‘rinadi — qandil ostida kamida 2 metr bo‘sh joy bo‘lishi lozim. Ixchamligi va universalligi tufayli ular har qanday o‘lchamdagi xonalarda ishlatilishi mumkin.

O‘lchamlar

Qandilning o‘lchami xonaning o‘lchamiga mos kelishi kerak. Juda kattasi xonaning interyerini bo‘g‘adi. Kichik o‘lchamligisi esa, shunchaki ko‘rinmas bo‘lib qolishi mumkin. Optimal diametrni hisoblashda quyidagi formuladan foydalanish mumkin: (xona uzunligi (m) + xona kengligi (m)) x 10 sm.

Masalan: xonaning uzunligi 6 m va kengligi 4 m bo‘lsa — diametri 100 sm bo‘lgan qandil mos keladi.

Lampalar

Katta xona ko‘proq yorug‘likni talab qiladi va qandilning shoxlari soni va lampalarning kuchi yorug‘lik darajasiga ta’sir etadi. Lampochkalar har xil quvvatli va har xil turda bi’ladi: cho‘g‘lanma lampalar, diodli (LED), energiya tejovchi va boshqalardir. Eng yaxshi tanlov — yorug‘lik diodli varianti. Ular boshqa lampalarga qaraganda qimmatroq, ammo energiya iste’moli minimal va xizmat muddati yuqori.

Material

Qandil korpusining materiali: metalldan to yog‘ochgacha. Birinchilari zamonaviy va mustahkam ko‘rinishga ega. Plastmassadan yasalgan qandillar yengilroq va unchalik hashamat bermaydi. Shishadan tayyorlangani — nafis bo‘lib, ehtiyotkorlik bilan parvarish qilishni talab qiladi va narxi yuqori bo‘lishi mumkin. Yog‘och, qog‘oz va matodan yasalgan yoritgichlar juda mo‘rt va injiq bo‘lib, ular asosan kafe va restoranlarda dekor sifatida ishlatiladi.

Dizayn

Qandil dizaynini tanlashda, o‘lchamlarda bo‘lgani kabi, yoritish moslamasi interyer uslubiga mos kelishi kerak. Uyning bezaklari hi-tech uslubida bo‘lsa, yoritgichlar ham mos ravisda bo‘lishi kerak. Masalan, zaldagi qandil pardoz va mebel detallari bilan uyg‘un bo‘lishi lozim. Bundan tashqari, shiftlarning balandligi va xonalarning umumiy o‘lchamlarini hisobga oling. O‘lchamga e’tibor beramiz: juda katta hajmli qandil boshingizga tegadigan darajada bo‘lib qoladi.

Lyustra rangini interyerga mos kelishi uchun qanday tanlash mumkin?

Qandilning quvvati, shakli va rangi xonaning o‘lchamlari, devor qog‘ozi, pardalar va mebellarning rang gammasiga muvofiq tanlanishi kerak. Siz ranglar kontrastini ham o‘zgartirishingiz mumkin — bir xil uslubdagi qandil, devor yoritgichlari, torsherlar ham xonani shinam qiladi. 

Lyustrani tanlash va sotib olish bo‘yicha ba’zi qo‘shimcha maslahatlar

Qandilni tanlashning muhim mezoni — bu quvvati. Yorug‘likning etishmasligi insonning umumiy holatiga salbiy ta’sir etadi — uyquchanlik, umidsizlik, apatiya. Haddan tashqari yorug‘lik ko‘zning charchatishi sabali inson salomatligiga ta’sir qilishi mumkin.

Optimal standartlarni aniqlaymiz: Oddiy cho‘g‘lanma lampalar uchun norma 1 kv. m uchun 15 Vt ni tashkil qiladi. Yotoqxonadagi qandilning kuchi, masalan, 10 kv. m maydonga ega bo‘lsa — 150 Vt. Yuqori samaradorlikka ega bo‘lgan yorug‘lik diodlarning natijaviy qiymatini 10 ga bo‘lish kerak. 10 kv. m xona uchun — 15 Vt norma hisoblanadi.

Agar devorlar och rangda bo‘lsa, yorug‘likning aks etishi to‘q rangli devorlarga qaraganda ancha yaxshi bo‘ladi, shuning uchun to‘q rangdagi xonalarga quvvatliroq yoritgichlar mos keladi.

Quvvat, o‘lcham va tashqi ko‘rinishdan tashqari, uning xavfsizligi muhim ahamiyatga egadir. Yuqori sifatli materiallardan foydalanish, elektr xavfsizligi, ishonchli mahkamlash, yuqori sifatli yig‘ish. Xarid qilishdan oldin sifat sertifikati va kafolat taloni mavjudligiga ishonch hosil qiling. Yorituvchi moslamalarni rasmiy vakillarning do‘konlarida, mashxur va ishonchli ishlab chiqaruvchilardan sotib oling.

Va nihoyat, aynan xonaning dizayni bo‘yicha qandilni tanlash shart emas, siz me’yorlardan chetga chiqishingiz ham mumkin, chunki bu yoritish moslamasi interyerning alohida va mustaqil elementi hisoblanadi.